خەندان سپۆرت
بە شێوەیەكی فەرمی یەكێتی تۆپی پێی وڵاتی چین ناوی ئەو شارانەی دیاریكرد كە باوەش بۆ یارییەكانی جامی نەتەوەكانی ئاسیای 2023 دەكەنەوە.
یەكێتی تۆپی پێی ئەو وڵاتە ناوی 10 شاری ئاشكراكرد كە میوانداری ئەو پاڵەوانێتیە دەكەن، كە پێك دێن لە شارەكانی "پەكین، تیانجین، شەنگەهای، چونگ چینگ، شیان، كینجداو، دالیان، چینگداو، شیامین و سوجۆ".
تاكو ئێستا بەشێك لە یارییەكانی پاڵاوتنی جامی نەتەوەكانی ئاسیای 2023 بەڕێوەچوە كە بە هاوبەشی لەگەڵ یارییەكانی پاڵاوتنی مۆندیال ئەنجامدەدرێت، كە بۆ ئەو پاڵەوانێتیە 24 هەڵبژاردە بەشداری دەكەن.
هەڵبژاردەی عێراق هەنگاوی باشی بڕیوە سەركەوتنی بۆ ئەو پاڵەوانێتیە مسۆگەر كردوە، بەڵام لە گەیشتن بە یارییەكانی مۆندیالی 2022ی قەتەر شكستی هێناوەو كۆمەڵێك ئەنجامی خراپی تۆماركردوە.