پۆڵ پۆگبا نهێنییەك سەیر ئاشكرا دەكات

04:04 - 20/12/2021

4373جار خوێندراوەتەوە

خەندان سپۆرت

 

پۆڵ پۆگبای فەرەنسی و ئەستێرەی یانەی مانچستەر یونایتد نهێنییەك ئاشكرا دەكات و رایدەگەنێت پێشتر بیری لە پەیوەندیكردن بە یانەی ریاڵ مەدرید كردوەتەوە.

پۆگبا هاوینی 2012 لەیانەی مانچستەر یونایتدەوە بەرانبەر 500 هەزار پاوەند رویكردە یانەی یۆڤانتۆس، دواتر و لەهاوینی 2016دا لە یۆڤانتۆسەوە بەرانبەر 89 ملیۆن پاوەند پەیوەندیكردەوە بەمانچستەر یونایتد.

لەلێدوانێكی رۆژنامەوانیدا كە رۆژنامەی میرەری بەریتانی بڵاویكردوەتەوە پۆگبا وتویەتی: "بۆ ئەوەی راستگۆ بم، پێتان رادەگەیەنم ریاڵ مەدرید قسەیان لەگەڵدا كردم، لەو كاتەشدا بیرم لەپەیوەندیكردن بەو یانەو مانچستەر یونایتد دەكرەوە".

یاریزانە فەرەنسییەكە وتوشیەتی: "هەمیشە دڵم داوای گەڕانەوەی بۆ مانچستەر لێدەكردم، خۆشم نەمدەزانی چی دەبێت و چی رودەدات".

پۆگبا وتوشیەتی: "بڕیاری پەیوەندیكردنم بەمانچستەرەوە داو لە بڕیارەكەشم پەشیمان نیم، من لەو مرۆڤانەم كە هەرگیز لە بڕیارەكانم پەشیمان نابمەوە".