لێدانێكی لەناوبەر بەر هەڵبژاردەی فەرەنسا دەكەوێت

03:20 - 09/11/2021

2507جار خوێندراوەتەوە

خەندان سپۆرت

 

لە راهێنانەكانی هەڵبژاردەی فەرەنسا بۆ خۆئامادەكردنی تیمەكە بۆ یارییەكانی پاڵاوتنەكانی مۆندیال، پۆڵ پۆگبای یاریزانی هەڵبژاردەی فەرەنسا دوچاری پێكانێكی قورس بو. 

تۆڕی مۆنتی كارلۆ ئاشكرایكردوە كە پشكنینە سەرەتاییەكان بۆ ئەو یاریزانە دەریان خستوە كە ماوەی دوركەوتنەوەی پۆگبا لە نێوان 8 بۆ 10 هەفتە دەخایەنێت.

پۆگبا لە ڕۆژی دوشەممەدا توشی پێکانی ماسولکەی ران بو لە کاتی هەوڵدان بۆ لێدانی تۆپێکی بەهێز لە ڕاهێنانەكانی هەڵبژاردەی فەرەنسا.

دیدیە دیشامپ ڕاهێنەری كەڵەشێرەكان بڕیاری-دا ئەستێرەكەی مانچستەر یونایتد دوربخاتەوەو جۆردان فێریتۆی یاریزانی ڕۆما بخاتە شوێنی.

هەڵبژاردەی فەرەنسا لە تویتەر ڕایگەیاند کە لە ئەنجامی پێکانی ڕانی ڕاستدا، پۆڵ پۆگبا دو یاری داهاتوی هەڵبژاردەی فەرەنسا لە دەست دەدات.

فەرەنسا لە 13-16ی ئەم مانگە لە یارییەكانی پاڵاوتنی مۆندیال لە دژی کازاخستان و فینلاند یاریی دەكات، پاڵەوانانی جیهان لە گروپی D بە 12 خاڵ پێشەنگی كۆمەڵەكەی گرتوە.