ئەنتۆنیۆ کاسانۆ: تەنیا هۆكارێك نەیهێشت وەک مێسی و نەیمارم لێبێت

01:56 - 28/10/2021

4842جار خوێندراوەتەوە

خەندان سپۆرت

 

ئەنتۆنیۆ کاسانۆی ئیتاڵی و یاریزانی پێشوی یانەی ریاڵ مەدرید باس لەو تەنیا هۆکارە دەکات کە نەیهێشتوە وەک مێسی و نەیمار و ئەستێرە گەورەکانی دیكەی تۆپی پێی لێبێت.

لەلێدوانێکیدا بۆ رۆژنامەیەکی ئیتاڵیا کاسانۆ دەڵێت "من یاریزانێکی مەزاجیم، دەتوانم لەسەر مەریخیش یاریی بکەم، بەڵام هۆکارەکە ئەوەیە تاقەت و ئارەزوی راهێنانەکانی تۆپی پێ-م نەبو بۆیە نەمتوانیوە وەک مێسی و نەیمار بە گەورەیی دەربکەوم، دڵنیام ئەوە ژیانی منی خاپور کردوە لە تۆپی پێدا".

لە بەشێکی دیكەی قسەکانیدا ئەو ئەستێرە ئیتاڵیە دەڵێت: "لە یانەکانی ریاڵ مەدرید و ئینتەرمیلان یارییم کردوە، دەمتوانی بە عەقڵیەتێکی دیكەوە یاریی بکەم و لە ریزی گەورەکاندا بم و لەتواناشمدا هەبو لەسەر مەریخ هاوشانی مێسی و نەیمار یاریی بکەم".

کاسانۆی تەمەن 39 ساڵ سەرەتای وەرزی 2016 دوجار بڕیاری وازهێنانی یەکجارەکی لە تۆپی پێ دا کە ئەو كات یاریزانی یانەی ڤیرۆنای ئیتاڵی بو.