خەندان لایف
گۆرانیبێژی لاو، تەها قادر بەرهەمێك نوێی هونەری بەناوی "بۆ منداڵان" لە رۆژیی منداڵان بڵاوكردەوە.
تەها قادر بەرهەمە نوێیەكەی لە كەناڵی یوتیوبی خۆی بڵاوكردەوە و نوسیویەتی، "كاری ئەمجارەمان تایبەت دەبێت بە منداڵان و بەرهەمێكە بەناوی ’بۆ منداڵان‘ و لەڕۆژی جیهانیی منداڵان پێشكەشتانی دەكەم"
راشیگەیاند، "هەمیشە ویستومە هونەرەكەم لە چوارچێوەیەكی بچوك نەهێڵمەوە و بەرهەمی جیاواز و گەورە پێشكەش بە گوێگرانم بكەم، هەبونی گوێگری گەنج و لاو چەند گرنگ بێت گوێگری تەمەنی بچوكیش هەمان شتە و سەركەوتنێكی ترە بۆ گۆرانیبێژ".
تێكستی گۆرانییەكەی تەها، لەلایەن مازیار فایەق نوسراوە، ئالان سابیر كاری ئەڕێنجمێنتی بۆ كردوە، لە دەرهێنانی رەیان شیلازییە.