ئەو ژنەی هاوسەرگیری لەگەڵ بوكەڵەیەك كردبو، مێردەكەی بە خیانەتكردن تۆمەتبار دەكات

10:58 - 17/11/2022

9626جار خوێندراوەتەوە

خەندان لایف

مێیریڤۆن رۆچا مۆرایس، ئەو ژنە بڕازیلیەی هاوسەرگیری لەگەڵ بوكەڵەیەك كردبو، ئێستا دەڵێت، مێردەكەم خیانەتی لێكردوم و نامەكانم لە مۆبایلەكەیدا بینیوە.

مێیریڤۆن رۆچا مۆرایس-ی تەمەن 37 ساڵ، لە ناوەڕاستی ئەمساڵ بە بڵاوكردنەوەی هەواڵی هاوسەرگیریكردنی لەگەڵ بوكەڵەیەك بەناوی مارسیلۆ و بونی منداڵێكی بوكەڵە لە نێوانیان، بو بە جێی سەرنجی میدیاكانی جیهان، ئێستا مێیریڤۆن بوكەڵەكەی تۆمەتباركردوە بە خیانەت و دەڵێت، "هاوڕێیەك پێی وتم كە هاوسەرەكەمی لەگەڵ خانمێكی دیكەدا بینیوە كە رۆیشتونەتە مۆتێلێك، لە كاتێكدا من بەهۆی كوڕەكەمانەوە لە نەخۆشخانەبوم كە توشی نەخۆشییەكی ڤایرۆسی ببو".
Meirivone Rocha Moraes, 37, from Brazil, who married rag doll reveals he cheated- just as pair set to celebrate first wedding anniversary
وتیشی، "لە سەرەتادا پێموابو ئەو هاوڕێیە درۆ دەكات، بەڵام دواتر تەماشای مۆبایلەكەی مارسیلۆم كرد و گفتوگۆكانیم بینی لەگەڵ ئەو خانمە، ئەوەش دڵنیای كردمەوە كە خیانەتم لێدەكات".

هەروەها ئاماژەی بەوەشكرد، "هاوسەرەكەم رەتی دەكاتەوە خیانەتی كردبێت و دەڵێت كە منی خۆشدەوێت، هەروەها داوای لێخۆشبونم لێدەكات و زۆر دەگری، زۆر پێموت ئەو خانمە كێیە، بەڵام وەڵامی نەدامەوە".
Meirivone has since admitted their relationship is 'hanging on by a thread' after claiming he has 'cheated' on her
مێیریڤۆن ئەوەشیخستەڕو، لەپاش ئەو خیانەتە داوای لە هاوسەرەكەی كردوە لە ژوری دانیشتنەكە بخەوێت و نایەوێت لە هەمان ژور بێت لەگەڵی، ویستویەتی لە ماڵیش بیكاتە دەرەوە، بەڵام لەبەر خاتری منداڵەكانی لە بڕیارەكەی پەشیمان بوەتەوە و دەڵێت، "منداڵەكانمان گەورە دەبن  لەم قۆناغەدا و بیری باوكیان دەكەن، ئەو خۆشەویستیەی بۆ ئەو هەمە وایلێكردم لێی خۆشبم - بە تەواوی نا، بەڵام پێموانییە بتوانم بێ ئەو بژیم".

لە كۆتاییدا باسیلەوەكرد، "پێویستە قسەی لەگەڵ بكەم و بڕیاربدات كارێكی لەو شێوەیە نەكانەوە، ئەگەر تەنها یەك جاری دیكە ئەو كارە بكات لێی خۆشنابم".

ئەمە لە كاتێكدایە لە مانگی حوزەیرانی ئەمساڵ ئەو خانمە بڕازیلییە هاوسەرگیری لەگەڵ بوكەڵەیەك كرد و بە ئامادەبونی 250 كەس ئاهەنگی هاوسەرگیری ئەنجامدا، لەپاش 35 خولەك لە ماڵەكەی خۆی رایگەیاند كە یەكەمین منداڵی، كە بوكەڵەیەك بو، هاتوەتە دنیاوە، ئێستا خاوەنی دو منداڵی بوكەڵەن.

Meirivone gained one stone and 4lb during pregnancy and found the birth of the toy 'pain free'