رێگە مەدە هاوسەرەكەت داوای ئەم كارانەت لێبكات

02:24 - 07/11/2022

8620جار خوێندراوەتەوە

خەندان لایف

دروستكردنی ژیانی هاوبەش بە واتای ئەوە دێت وەكو دو كەسی جیاواز رێز لە یەكتر بگرن و توانای قبوڵكردنی یەكترتان هەبێت، نەك ئەوەی زۆر لە یەكتر بكەن بۆئەوەی بگۆڕێن یان ئازادییەكانی یەكتر سنوردار بكەن و هەوڵی كۆنترۆڵكردنی یەكتر بدەن.

هیچ كاتێك رێگە مەدە هاوسەرەكەت ناچارتبكات ئەم كارانە بكەیت.

1. لە پێناو ئەودا درۆ بكەیت و راستی بابەتەكان بشاریتەوە.

2. بە تەواوی خۆت بگۆڕیت و وەكو خۆت نەمێنیتەوە، لەروی شێوە و روخسارەوە بێت یان رەفتار و هەڵسوكەوت.

3. خوی ناتەندروستت هەبێت، وەكو جگەرەكێشان یان خواردنەوەی ماددەی كحولی.

4. واز لە خەون و ئارەزوەكانت بهێنیت و ئامانجەكانی ژیانت پشتگوێ بخەیت.

5. بۆئەوەی هەر توندوتیژییەكی دەرونی یان جەستەیی قبوڵ بكەیت لەلایەن خۆی یان خێزانەكەی.

6. واز لە ئایینەكەت بهێنیت و بیگۆڕیت.

7. واز لە كارەكەت بهێنیت و سەربەخۆیی داراییت نەمێنێت.

8. هەڵەكانی بۆ بپۆشیت، بۆ نمونە ئەگەر ئالودەی ماددەی هۆشبەربێت و داوات لێبكات نەیدركێنیت.

9. هەڵبژاردن بكەیت لە نێوان ئەو و دایكتدا، بەو واتایەی یەكێكیان هەڵبژێریت.