شاجوانی بڕازیل بە شێوەیەكی تراژیدی كۆتایی بە ژیانی هات

03:30 - 22/06/2022

11461جار خوێندراوەتەوە

خەندان لایف


گلێیسی كۆرێیا، شاجوانی پێشوی بڕازیل بەهۆی نەشتەرگەری لەوزەتێنەوە بۆ ماوەی دو مانگ لە كۆما مایەوە و دواتر كۆتایی بە ژیانی هات.

بە پێی هەواڵێكی دەیلی مەیڵ-ی بریتانی، گلێیسی كۆرێیا، شاجوانی بڕازیل بۆ ساڵی 2018، لە كۆتایی مانگی ئادار نەشتەرگەری لەوزەتێنی بۆكرا، بەڵام نەشتەرگەرییەكەی سەركەوتو نەبو و توشی خوێنبەربون و جەڵتەی دڵ هات، بەوهۆیەوە بۆ ماوەی دو مانگ لە كۆمادا مایەوە، تا 20ی ئەم مانگە و لە تەمەنی 27 ساڵیدا كۆتایی بە ژیانی هات.

كۆرێیا لە ساڵی 2018 ئەو كاتەی تەمەنی 23 ساڵان بو، بە شاجوانی بڕازیل هەڵبژێردرا، دواتر وەكو مۆدێل دەستی بە كاركردن كرد، بەشێكی زۆر لە چالاكیەكانی لە تۆڕە كۆمەڵایەتییەكان بڵاودەكردەوە.