دو هاوسەر یادی 81 ساڵەی هاوسەرگیریان دەكەنەوە

12:20 - 15/01/2022

1525جار خوێندراوەتەوە

خەندان لایف

رۆن و جۆیس بۆند، ئەو دو هاوسەرەكەی بۆ ماوەی 81 ساڵە پێكەوە دەژین، یادی هاوسەرگیریان دەكەنەوە.

دو هاوسەری بریتانی بەناوی جۆن و رۆیس بۆند، یادی 81 ساڵەی هاوسەرگیریان كردەوە، نازناوی "درێژترین ژیانی هاوسەرگیریان هەیە"، تا ئێستاش بە خۆشەویستییەوە ژیان بەسەر دەبەن.

جۆیسی تەمەن 100 ساڵ، لە ساڵیادی هاوسەرگیرییەكەی وتی، "هەرگیز پێشبینی ئەوەمان نەدەكرد 81 ساڵ پێكەوە بژین، ئێستا هەست دەكەین گەیشتون بە ئامانجێكی زۆر گرنگ، ئەوەش هەستێكی زۆر خۆشە".

لەبارەی نهێنی ئەو ژیانە درێژەی هاوسەرگیرییەكەشیان ئەوەیخستەڕو، "لە پەیوەندییەكەی ئێمەدا هیچ سەرۆكێك نییە، هەردوكمان بە یەكتر دەبەخشین و لە یەكتری وەردەگرین".

هەروەها رۆن-ی تەمەن 102 ساڵ باسیلەوەكرد، ژیان قورسە، بەڵام ئێمە پێكەوە كاتە قورسەكانمان تێدەپەڕێنین، هەروەها گرنگی بە یەكتر دەدەین و ئاگاداری یەكتر دەبین".

ئەو دو هاوسەرە لە ساڵی 1941 ژیانی هاوسەرگیریان پێكهێناوە، خاوەنی كچەزازا و كوڕەزازان، تەمەننای ئەوە دەكەن تا كۆتایی ژیانیان پێكەوە بمێننەوە.

Joyce Bond, ron bond