ژنێك لە تەمەنی 34 ساڵی دەبێت بە بچوكترین داپیرە

11:10 - 09/01/2022

8350جار خوێندراوەتەوە

خەندان لایف

كلێر میلنەر، كە دانیشتوی شرۆپشە-یە، لە تەمەنی 16 ساڵی بو بە دایك و لە تەمەنی 34 ساڵی بو بە خاوەنی نەوەیەك، بەمەش بو بە بچوكترن داپیرەی بریتانیا.

بە پێی هەواڵێكی  mirrorی بریتانی، كلێر میلنەر تەمەنی تەنها 16 ساڵ بو كە بو بە خاوەنی كچێك بەناوی ئێلیسا، ئێستا ئێلیسای تەمەن 18 ساڵ یەكەمین منداڵی كوڕی بەناوی لوكاس هاتە دنیاوە، بەمەش دایكی كرد بە بچوكترین داپیرە لە بریتانیادا.

كلێر میلنەر لەگەڵ كچەكەیدا خۆی جارێكی دیكە بوەوە بە دایك و دەڵێت، "ئێستا خۆم خاوەنی كوڕێكم و كوڕێكیشم نەوەمە، ئەو دوانە خاڵ و خوشكەزان كە تەنها یەك ساڵ جیاوازی تەمەنیان هەیە".

وتیشی، "كە لەگەڵ كچەكەم دەڕۆمە دەرەوە هیچ كەسێك باوەڕ بەوە ناكات كە ئەو كچی منە و دەڵێن ئێوە وەكو خوشك وان، زۆر كاتیش وادەزانن نەوەكەم كوڕی خۆمە".

كلێری تەمەن 34 ساڵ، لەگەڵ ئەوەی لە تەمەنی هەرزەكاریدا بوە بە دایك روبەڕوی چەندین رەخنە بوەتەوە و لەوبارەیەوە دەڵێت، "ئەو كاتەی بوم بە دایك خەڵك پێیان دەوتم زۆر منداڵم بۆئەوەی ببم بە دایك و كە ئێلیسا منداڵی بو پێیان وتم زۆر زوە كە بویت بە داپیرە".

ئەو داپیرە گەنجە خاوەنی منداڵێكی دیكەی تەمەن 13 ساڵە، دایكێكی تەنهایە و بڕیاریداوە خۆی منداڵەكانی بەخێوبكات.