بەهجەت یەحیا لەبارەی هاوسەرگیریكردنی رونكردنەوە دەدات

09:24 - 08/12/2021

8787جار خوێندراوەتەوە

خەندان لایف

پاش ئەوەی لەلایەن چەند لاپەرەیەك لە تۆڕە كۆمەڵایەتییەكان هەواڵی هاوسەرگریكردنی هونەرمەندی ناسراوی كورد، بەهجەت یەحیا بڵاوبوەوە، ئەو هونەرمەندە هەواڵەكەی رەتكردەوە و لەوبارەوەیەوە رونكردنەوەی بڵاوكردەوە.

هونەرمەند، بەهجەت یەحیا، لەبارەی ئەو دەنگۆیانەی بڵاوبوەوە لە لاپەرەی فیسوبەكی خۆی نوسیویەتی. "ئەزیزان و خۆشەویستانم، ئەمڕۆ لەفەیسبوك لەسەر ئێمە هەواڵێك بەهەڵە بڵاوبۆوە، ئێمە فەیسبوکمان لێئاگادارکردەوە و هەڵەکەش لابرا".

ئاماژەی بەوەشكرد، "هەڵەکە ئەوەبو ئەدمینی پەیجەکەمان لەکاتی پڕکردنەوەی پرسیارەکانی ئینفۆی  info سایتەکەدا بەروارێكی تۆمارکردبو فەیسبوکیش بڵاویکردبۆوە بە حسابی ئەمڕۆ، هەڵەکەی فەیسبوك ئەوەبو کە شتێك (30) سی ساڵ لەمەوپێش بوە کەچی کە پرسیارەکان پڕدەکەیتەوە ئەو یەکسەر بەهی ئەمڕۆ نیشانی دەدات".

وتیشی، "تکایە زۆر زۆر ببورن و زۆرسوپاس بۆ ئێوەی هەمیشە دڵسۆز و خۆشەویست، سوپاس بۆ ئاگاداریکردنەوە و بەتەنگەوەهاتنتان، هیوای سەرفرازیتان بۆ ئەخوازم، تەنها خۆشەویستیی ئێوە هێزی بەردەوامی بەڕۆحمان دەبەخشێت"

بەهجەت یەحیا، لە ساڵی 1965 لە شاری سلێمانی لەدایكبوە، یەكێكە لە هونەرمەندە ناسراوەكانی كوردستان، خاوەنی چەندین گۆرانی و ڤیدیۆ كلیپە و ئەزمونی زیاتر لە 30 ساڵی هەیە لە كاری هونەری.