مەروان خوری بۆ یەكەمجار باس لە هاوسەرەكەی دەكات

10:25 - 01/12/2021

2139جار خوێندراوەتەوە

خەندان لایف

هونەرمەندی لوبنانی، مەروان خوری، بۆ یەكەمجار باس لە ناسینی هاوسەرەكەی دەكات و دەڵێت، لە رێگەی چەند هاوڕێیەكی هاوبەشەوە ناسیم.

مەڕوان خوری لە چاوپێكەوتنێكی تەلەفزیۆنیدا چەندین نهێنی لەبارەی كارە هونەریەكانی ئاشكرا كرد و بۆ یەكەمینجار لەبارەی دەستگیرانەكەیەوە وتی، "من لەگەڵ هاوسەرەكەم تەنها بەهۆی خۆشەویستییەوە هاوسەرگیریمان نەكرد، چەندین شتی دیكە هەیە كە لەبارەی ئەوەوە سەرسامیم و خۆشمدەوێت".

وتیشی، "بەهۆی چەند هاوڕێیەكی هاوبەشەوە یەكتریمان بینی بۆ یەكەمجار و داوای ژمارەكەیم لێكرد، بۆ ماوەی چوار ساڵ پەیوەندییەكی پڕ لە بەرزی و نزمیمان هەبو تا ئەو كاتەی ئەڵقەی دەستگیرانداریمان گۆڕییەوە".

ئەو هونەرمەندە كە لە ئێستادا تەمەنی 53 ساڵی تەواوكردوە، لە دیسەمبەری ساڵی رابردو ئاشكرایكرد كە چیرۆكێكی خۆشەویستی لە ژیانیدا هەیە، چوار مانگ دواتر ئەڵقەی دەستگیرانداری گۆڕییەوە.

مەروان خوری، كە یەكێكە لە ناسراوترین هونەرمەندەكان، هەمیشە دوركەوتوەتەوە لەوەی باسی ژیانی خۆشەویستی خۆی بكات، هەربۆیە ئاشكراكردنی لانی هاوسەرگیرییەكەی بۆ هەوادارانی جێی سەرسوڕمان بو.