شیرین عەبدولوەهاب لە هاوسەرەكەی جیادەبێتەوە؟
هۆكاری چییە؟

12:27 - 28/11/2021

3636جار خوێندراوەتەوە

خەندان لایف


لە ماوەی چەند كاتژمێری رابردو بە شێوەیەكی بەرفراوان هەواڵی جیابونەوەی شیرین عەبدولوەهاب لە تۆڕە كۆمەڵایەتییەكان بڵاوبوەوە، باس لەوە دەكرێت بەهۆی دەمەقاڵێیەكەوە بڕیاری جیابونەوەیان داوە.

بە پێی هەواڵێكی  "سيدتي"، شیرین عەبدولوەهاب و حوسام حەبیبی هاوسەری، لە یەكێك لە هۆتێلەكاندا بو بە دەمەقاڵێیان و ناكۆكی لە نێوانیان دروستبوە، كێشەكەشیان بە جیابونەوە لە یەكتر كۆتایی هاتوە.

تا ئێستا ئەو دو هاوسەرە بێدەنگیان هەڵبژاردوە، هەواڵەكەیان پشتڕاست نەكردوەتەوە، هاوكات رەتیشیان نەكردوەتەوە، هەربۆیە نازانرێت كە ئایا ئەو دەنگۆیانەی بڵاوبونەتەوە راستن یاخود نەخێر.

ئەمە یەكەمینجار نییە كە دەنگۆی جیابونەوەی شیرین و هاوسەرەكەی بڵاودەبێتەوە، ساڵی رابردوش بە هەمان شێوە باس لەوە كرا كە ئەو دو هاوسەرە جیابونەتەوە، بەڵام شیرین بە زویی رەتیكردەوە كە جیابوبێتەوە.

شیرین عەبدولوەهاب لەدایکبوی 1980 خاوەنی دەنگێکی خۆش و سەرنجڕاکێشە، یەکێکە لە ناسراوترین خانمە گۆرانیبێژەکانی میسر و خەڵکی قاهیرەیە، لە 2007 هاوسەگیری کرد لەگەڵ محەمەد موستەفا پاش بونی دو منداڵی کچ لە 2012 جیادەبنەوە، لە ساڵی 2018 ژیانی هاوسەرگیری لەگەڵ گۆرانبێژ و ئاوازدانەری میسری حوسام حەبیب پێکهێنا.