كیانو ریڤیس بە هیوایەوەیە لەگەڵ ئەم خانمە ئەكتەرە رۆڵ ببینێت

05:01 - 27/11/2021

2626جار خوێندراوەتەوە

خەندان لایف

ئەكتەری ناسراوی هۆلیوود، كیانو ریڤیس ئاشكرایكرد كە گەورەترین ئاواتی ئەوەیە لەگەڵ خانمە هونەرمەند، ساندرا بولۆك رۆڵ ببینێت لە داهاتویەكی نزیكدا.

لە چاوپێكەوتنێك لەگەڵ گۆڤاری Esquire كیانو ریڤیس ساندرا بولۆكی وەكو كەسێكی زۆر بەهرەمەند و نایاب وەسف كرد و وتی، "ئێستا هیوای ئەوە دەخوازم جارێكی دیكە لەگەڵی كار بكەمەوە، ئەو هونەرمەندێكە كە بەڕاستی خاوەنی كەسایەتییەكی جوانە، دڵخۆش دەبم بەوەی ئەو دەرفەتە بێتە پێشم كە دوبارە نواندنی لەگەڵ بكەمەوە".

ئەو دو ئەكتەرە لە ساڵی 1994 لە فیلمی "Speed" رۆلیان پێكەوە بینی، لەو كاتەدا دەنگۆی ئەوە بڵاوبوەوە كە یەكتریان خۆشدەوێت، بەڵام بە فەرمی هیچ یەكێك لەو دەنگۆیانە پشتڕاست نەكرانەوە.

كیانو لە ئێستادا سەرقاڵی رۆڵ بینینە لە بەشی چوارەمی فیلمی "جۆن ویك" كە بڕیارە لە ساڵی داهاتو نمایش بكرێت، هەندێك كەسیش باس لەوە دەكەن بەشی چوارەم دەبێت بە كۆتا بەشی فیلمەكە.

كیانو ریڤیسی تەمەن 57 ساڵ، یەكێك لە ئەستێرە ناسراوەكانی هۆلیوود و زیاتر لە 35 ساڵە لە كایەی هونەریدا دەركەوتوە، ناوبانگێكی جیهانی هەیە و خاوەنی دەیان ملیۆن هەوادارە لە جیهاندا.