نەوال زوغبی بە شێوەیەكی سەیر تۆڵە لە محەمەد رەمەزان دەكاتەوە

06:03 - 22/11/2021

3892جار خوێندراوەتەوە

خەندان لایف

خانمە گۆرانیبێژ لوبنانی، نەوال زوغبی هێرش دەكاتە سەر محەمەد رەمەزان و رەتی دەكاتەوە كە بیناسێت و ناوی بیستبێت.

نەوال زوغبی لەپرۆگرامێكی رادیۆیی بو بو میوان، لەو پرۆگرامەدا بە شێوەیەك زۆر سەیر هێرشی كردە سەر محەمەد رەمەزان، كاتێك لێیان پرسی رای چییە دەربارەی محەمەد رەمەزان، لە وەڵامدا وتی، "محەمەد رەمەزان كێیە؟ ئەو چی دەزانێت؟".

ئەم كاردانەوەیەی نەوال زوغبی پاش ئەوە هات كە گۆرانیبێژی میسڕی، محەمەد رەمەزان لە پرۆگرامێكدا  پرسیاریان لێكرد دەربارەی ئەوەی حەز دەكات لەگەڵ چ هونەرمەندێكی لوبنانی دوێت بكات، ئەویش وتی، "ئەو هونەرمەندە لوبنانیەی من دەمەوێت دوێی لەگەڵ بكەم هێشتا دروست نەبوە".

نەوال زوغبی گۆرانیبێژێکی بەناوبانگی لوبنانە، ناسراوە بە ئەستێرەی ئاڵتونی و لەدایکبوی ساڵی 1971، یەکێکە لە گۆرانیبێژە سەرکەوتوەکانی نێو مۆسیقای شەرقی و جیهانی عەرەبی، لە تەمەنی 15 ساڵیەوە دەستی بە کاری هونەریی کردوە، دایکی سێ منداڵە.