ژنێك هاوسەرگیری لەگەڵ پیاوێك دەكات كە هیچ كات نەیبینیوە

12:14 - 17/11/2021

4554جار خوێندراوەتەوە

خەندان لایف

دو خۆشەویست كە لە رێگەی ئینتەرنێت یەكتریان ناسیوە و یەكیان بینیوە، لەگەڵ ئەوەی تا ئێستا بە راستی بە یەكتر شاد نەبون هاوسەرگیریان ئەنجامداوە.

ئایشێ تەمەنی 26 ساڵە و خەڵكی بریتانیایە، لە ساڵی رابردو لە كاتی كەرەنتین بەهۆی ڤایرۆسی كۆرۆناوە لەگەڵ دارین لە رێگەی فەیسبوكەوە یەكتریان ناسی، كە گەنجێكی خەڵكی ئەمریكایە، سەرەتا چەند نامەیەكیان دەگۆڕییەوە، پاشان پەیوەندیان بە تەواوی لەیەكتر نزیك بوەوە.

ئایشێ لەوبارەیەوە وتی، "ئێمە ساڵی رابردو بۆ یەكەمجار پێكەوە قسەمانكرد، هەرگیز باوەر بەوە ناكەم ئێمە بە فەرمی ژیانی هاوسەرگیریمان ئەنجامدا بێ ئەوەی یەكتر ببینین".

پاش ئەوەی پەیوەندییەكەیان نزیك بوەوە، لە رێگەی پرۆگرامی زوم بۆ یەكەمجار یەكتریان بینی، بەمەش زیاتر هەستیان بە نزیكبونەوە كرد لە یەكتر و كەوتنە داوی خۆشەویستییەوە.

لە نۆڤەمبەری ساڵی رابردو دارین پێشنیازی ژوانێكی ئۆنلاینی بۆ ئایشێ كرد، ئەویش بە داواكەی رازی بو، لەو شەوەدا هەر لە رێگەی ئەو پرۆگرامەوە دارین داوای هاوسەرگیری لە ئایشێ كرد و ئەویش بە داوای رازی بو.

ڤایرۆسی كۆرۆنا رێگر بو لە بەیەك گەیشتنی ئەو دو هاوسەرە بە یەكتر، هەربۆیە ئایشێ بوكەڵەیەكی لە شێوەی دارین دروستكردوە، بۆئەوەی هەر كاتێك بیری كرد قسەی لەگەڵ بكات.

ئایشێ و دارین لەگەڵ پلانی ئەوەیان هەیە لە داهاتودا یەكتری ببینن، ئەو كاتە ئاهەنگێكی گەورە ساز بكەن و بۆ هەمیشە لەگەڵ یەكتر بمێننەوە.