چۆن رێگری بکەیت لەوەی منداڵەکەت درۆ بکات؟

12:09 - 24/08/2020

9093جار خوێندراوەتەوە

خەندان لایف

هۆکاری درۆکردنی منداڵان لە خوار تەمەنی 10 ساڵیەوە بۆ ترس دەگەڕێتەوە، ترس لەوەی لۆمە بکرێن یان لێیان توڕەببن، هەندێکجاریش لاسایی گەورەکان دەکەنەوە و هیچ لە واتای درۆ تێناگەن، لە هەندێک حاڵەتیشدا منداڵانی تەمەن 4-5 ساڵ چیرۆکی ناراست لە مێشکیاندا دروستدەکەن و دەیڵێن.

ئەم رەفتارەی منداڵان زۆرجار نیگەرانی لای دایکان و باوکان دروستدەکات، بە چەند رێگەیەک دەتوانیت رێگری بکەیت لەوەی منداڵەکەت درۆ بکات.

یەکەم: گرنگی راستگۆیی بۆ منداڵەکەت رونبکەرەوە.

دوەم: هەوڵبدە بە شێوازی نەرم گفتوگۆی لەگەڵدا بکە، توڕەبون ترسی لادروستدەکات و وایلێدەکات بترسێت.

سێیەم: باس لەوە بکە کە درۆ کردن متمانەی نێوانتان لەدەستدەدات و زیانەکانی درۆکردنی بۆ باس بکە.

چوارەم: فێری بکە بەرپرسیاریەتی هەڵبگرێت، ئەمەش وایلێدەکات کاتێک هه‌ڵەیەک ئەنجامبدات درۆ نەکات و بەڕاشکاوی بیڵێت.

پێنجەم: کاتێک منداڵەکەت راستییەکانت پێدەڵێت وریای جۆری کاردانەوەت بە، ئەگەر کاردانەوەت زۆر نەرێنی بێت وایلێدەکەیت جارێکی دیکە راستیەکانت لێبشارێتەوە.

شەشەم: هیچ کاتێک درۆ لەگەڵ منداڵەکەت مەکە و راستیەکانی پێ بڵێ، چونکە ئەو لاسایی گەورەکان دەکاتەوە.

حەوتەم: پەیوەندییەکی بەهێز دروستبکە لە نێوان خۆت و منداڵەکەت، کە زیاتر لە پەیوەندییەکی هاوڕێیەتی بچێت، بۆئەوەی متمانەت پێبکات و هەمو شتێکت بۆ باس بکات.

هەشتەم: سزای مەدە، تەنانەت کاتێک پارە لە کیفی پارەکەت دەبات یان دەیشارێتەوە، هەوڵبدە رێگەیەکی نەرمتر بەکاربهێنە بۆئەوەی لە هەڵەکەی ئاگاداری بکەیتەوە.