هەشت وانە پێویستە هەمو باوکێک فێری کوڕەکەی بکات

11:23 - 23/08/2020

17243جار خوێندراوەتەوە

خەندان لایف

هەروەکو چۆن دایکان رۆڵی گەورەیان هەیە لە پەروەردەکردنی منداڵ، بەهەمانشێوە باوکانیش رۆڵیان هەیە و کاریگەرییان لەسەر بیرکردنەوەی منداڵەکانیان دادەنێن، چەند وانەیەک هەیە گرنگە باوکان فێری کوڕەکانیان بکەن بۆئەوەی چاوی منداڵەکانیان بۆ داهاتو بکەنەوە.

یەکەم: پێویستە کەسێکی بەڕێز بێت
دەبێت باوکان رێز فێری کوڕەکانیان بکەن بەوەی تەوقە لەگەڵ بەرامبەرەکەیان بکەن و تەماشای چاویان بکەن، دەرگا بۆ خانمان بکەنەوە، لەسەر کورسی هەستێت کاتێک خانمێک دادەنیشێت، جانتای قورس هەڵبگرێت بۆ بەرامبەرەکەی.

دوەم: شانازی بە دایک و باوکیەوە بکات
رێزگرتن و شانازیکردن بە دایک و باوک گرنگە، نەک لەبەر ئەو کارانەی بۆ منداڵەکانیان دەکەن، بەڵکو لەبەر ئەوەی پلەیەکی جیاوازیان هەیە وەکو دایک و باوک.

سێیەم: رێزی خانمان بگرێت
پێویستە کوڕەکان لە منداڵییەوە فێربکرێن لەوەی چۆن رێزی خانمان بگرن، لێیان تێبگەن، وەکو خۆیان قبوڵیان بکەن.

چوارەم: کەسێکی راستگۆ بێت
راستگۆیی هەمیشە کارە راستەکەیە تەنانەت ئەگەر هیچ کەسێک پێی باش نەبێت، پێویستە فێریبکەیت پیاوێک بێت راست بڵێت و بەڕاستی بژی.

پێنجەم: بەرپرسیاریەتی هەڵبگرێت
فێری بکە کاتێک کارێکی هەڵە دەکات پیاوبێت و بەرپرسیاریەتی هەڵبگرێت، هەروەها داوای لێبوردن بۆ هەڵەکردن وادەکات جوانتر دەربکەوێت.

شەشەم: بە سەختی هەوڵبدات
کارکردن و هەوڵدان ئەو شتەیە کە پێویستە فێری کورەکەتی بکەیت، باس لە گرنگی و سودەکانی بکە بۆی.

حەوتەم: کەسانی دیکەی خۆشبوێت
کاـێک فێری دەکەیت کەسانی دیکەی خۆشبوێت، وایلێدەکەیت لە رق و خۆپەرستی دوربکەوێتەوە.

هەشتەم: ژیان ئاسان نییە
ئەگەر کوڕەکەت تەمەنی منداڵی تێپەڕاند، فێری بکە ژیان بەو شێوەیە رەنگاورەنگ نییە کە لەمنداڵی وێنای کردوە، پێویستە ئامادەبێت بۆ ئەوەی روبەڕوی بەربەستەکان بێتەوە.