چۆن مامەڵە لەگەڵ هەرزەکارەکەت بکەیت کاتێک هەست دەکەیت رقی لێتدەبێتەوە

01:32 - 22/08/2020

9814جار خوێندراوەتەوە


خەندان لایف

تەمەنی هەرزەکاری هەستیارترین قۆناغی دروستبون و پەروەردەکردنە، چونکە بە زۆر گۆڕانکاری هۆڕمۆنیدا تێپەڕدەبێت، زیاتر لایەنی سۆزداری زاڵ دەبێت بەسەر ژیانیدا، گۆڕانکاری لە رەفتارەکانی دەبێتە هۆی نیگەرانی دایکان و باوکان.

کاتێک هەست دەکەیت منداڵە هەرزەکارەکەت خۆپەرستە، رقیلێتدەبێتەوە، توڕە و نیگەرانە، هەوڵبدە بەمشێوەیە رەفتاری لەگەڵ بکە.

یەکەم: دوربکەوەرەوە لە کاردانەوە
کاردانەوە لەمکاتدا خراپترین شتە لەگەڵ منداڵەکەت بیکەیت و مەودا دەخاتە نێوانتانەوە، لەمکاتەدا هەوڵبدە لێینزیکبەرەوە و بایەخ بە رەفتارەکانی بدە.

دوەم: وشەکانی بە تایبەتی وەرمەگرە 
کاتێک منداڵەکەت لەو تەمەنە پێتدەڵێت رقی لێتدەبێتەوە، ئەم قسەی بە شەخسی وەرمەگرە، چونکە ئەوە گۆڕانکارییەکی سروشتییە بەسەر رەفتاری منداڵدا دێت.

سێیەم: بخوێنەرەوە
هەوڵبدە لە رێگەی ئینتەرنێتەوە زانیاری بەدەستبهێنە دەربارەی ئەوەی چۆن رەفتار بکەیت.

چوارەم: لە منداڵەکەت نزیکبەرەوە
تەنانەت ئەگەر ئەو رەتیبکاتەوە لێتنزیکبێتەوە، تۆ بەردەوام لە نزیکی بە، چونکە پێویستی بە پاڵپشتی و خۆشەویستی تۆیە، رێگەی پێبدە خۆی بڕیاری گەورە بدات.

پێنجەم: لۆمەی مەکە
لۆمەکردن خراپترین شتە بۆ هەرزەکاران، زیاتر لە هەر شتێک رقیان لێدەبێتەوە، لەبری ئەوە هەوڵبدە گفتوگۆی لەگەڵ بکە و رێگەی راستی نیشان بدە.

شەشەم: ئەوە تەنیا قۆناغێکە
لەبیرت بێت رەفتاری منداڵەکەت بۆ هەمیشە بەو شێوەیە نامێنێتەوە، قۆناغێکی کاتییە و زو تێپەڕدەبێت، بۆیە لەگەڵیبە و پاڵپشتی بکە.