خەندان لایف
ئاساییە دەمەقاڵێ و ناکۆکی لە نێوان هاوسەرەکان روبدات، چونکە دو مرۆڤی زۆر جیاوازن و خاوەنی بیرکردنەوە و تێڕوانینی تایبەت بە خۆیانن، دەمەقاڵی شتێکی سروشتییە، بەڵام گرنگە بزانیت چۆن مامەڵە دەکەیت بۆئەوەی کێشەکان گەورەتر نەبن، هەوڵبدە ئەم رێنماییانە جێبەجێ بکە.
یەکەم: ئەگەر هاوسەرەکەت ویستی بە تەنها بێت رێزی بگرە و بە تەنها جێیبهێڵە.
دوەم: تەنها رای خۆت مەسەپێنە، قبوڵی بکە دو کەسی جیاوازن و هەوڵبدە لێیتێبگە.
سێیەم: ئاساییە دوای دەمەقاڵێکە خەمبار بیت، بەڵام ئەگەر هەستت کرد قسەکانی دڵت نەکردوە خۆت ناچارمەکە بۆئەوەی کۆتایی پێبهێنیت.
چوارەم: ئەگەر خۆشەویستەکەت هات بۆئەوەی دوبارە گفتوگۆ بکەن، توڕە مەبە و هەوڵبدە گوێی بۆ بگرە.
پێنجەم: سەرنجت لەسەر هۆکاری دروستبونی دەمەقاڵێکە نەبێت، بەڵکو سەرنجت لەسەر چارەسەرکردنی بێت.
شەشەم: هیچ بڕیاڕێک مەدە، چونکە لەوکاتەدا توڕەیت و ئەگەری هەیە پەشیمان ببیتەوە.
حەوتەم: لۆمەی خۆت مەکە بۆئەوەی کە کردوتە، چونکە دەمەقاڵێ ئاماژەیەکی ئەرێنییە بۆئەوەی کە کاردەکەن بۆئەوەی پەیوەندییەکەیان بەرەو باشتربون ببەن.