خەندان لایف

قلیشانی پێیەکان زۆرکات بەهۆی وشکبونەوەی جەستە و کەمی شێداری پێست دروستدەبێت، هەندێک کاتیش هۆکاری دیکە وادەکات پێیەکانت توشی قلیشان ببێت.

یەکەم: زۆری کێشی جەستە، وادەکات پەستانێکی زۆر بچێتە سەر قاچەکانت و توشی قلیشان دەبێت.

چارەسەر: بەردەوام وریای کێشی جەستەت بە، هەروەها کۆنترۆڵی شەکری خوێنت بکە.


دوەم: کەمی ڤیتامین، دەبێتە هۆی وشکبونی پێست و قلیشانی.

چارەسەر: بایەخ بدە بە خواردنی ڤیتامین A ،B3 ،C ،E، زینک و ئۆمێگا-3.


سێیەم: پێڵاوی نەگونجاو، بەتایبەتی ئەو پێڵاوانەی لایەکانی قاچت داناپۆشێت، دەبێتە هۆی قلیشان.

چارەسەر: دڵنیابەرەوە لەوەی ئەو پێڵاوەی دەیکەیت قەبارەی قاچی خۆت بێت و لایەکانی قاچت داپۆشێت.


چوارەم: بەچونە ناو تەمەنی نائومێدی لە خانماندا، پێیەکان و هەندێک بەشی جەستە توشی قلیشان دێت.

چارەسەر: پێویستە کرێمی ئیسترۆجین بەکاربهێنیت، بەڵام باشترە سەرەتا راوێژ بە پزیشک بکەیت.


پێنجەم: زۆر وەستان بە پێوە بەتایبەتی لەسەر ئەرزی تەختە، پەستانێکی زۆر دەخاتە سەر پێیەکان.

چارەسەر: ئەگەر لە شوێنێک بویت نەتتوانی دانیشیت، بەیەک شێوە مەوەستە و راهێنان بە قاچت بکە.


شەشەم: گەرماوی گەرم دەبێتە هۆی قلیشانی پێ، باشترە بە ئاوی شلەتێن خۆت بشۆیت، چونکە ئاوی گەرم چەوری سروشتی سەر پێست لادەبات و توشی وشکبونەوەی دەکات.

چارەسەر: بە ئاوی شلەتێن خۆت بشۆ، دوای گەرماو کرێمی شێدارکەرەوە بەکاربهێنە.