خەندان-
ده‌سه‌ڵاتدارانی ئۆكرانیا ئه‌مڕۆ یه‌كشه‌ممه ڕایانگه‌یاند، هێزه‌كانی وڵاته‌كه‌یان شاری كلیشچیڤكایان كۆنتڕۆڵ كردۆته‌وه كه گرنگییه‌كی ستراتیژی له باشوری به‌خموت هه‌یه.
ئۆلێكساندر سێرسكی فه‌رمانده‌ی هێزی زه‌مینی سوپای ئۆكرانیا ڕایگه‌یاند، شاری كلێشچێیڤكایان له ده‌ستی سه‌ربازانی سوپای ڕوسیا ڕزگار كردوه.
ڕوسیا كۆنتڕۆڵكردنه‌وه‌ی گوندی وێرانكراوی ئه‌ندرێیڤكا له ڕۆژهه‌ڵاتی ئۆكرانیا ڕه‌تكرده‌وه
ڕوسیا ڕه‌وایه‌تی ڕاگه‌یاندنی كیێڤی بۆ كۆنتڕۆڵكردنه‌وه‌ی گوندی وێرانكراوی ئه‌ندرێیڤكا له ڕۆژهه‌ڵاتی ئۆكرانیا ڕه‌تكرده‌وه، كه ده‌كه‌وێته نزیك كلیشچێیڤكا، كه خاڵی ده‌ستپێكی ڕێگای شارۆچكه‌ی باخموته.
وه‌زاره‌تی به‌رگری ئۆكرانیا له كۆنگره‌ی ڕۆژنامه‌وانیدا ڕۆژانه‌یدا ڕایگه‌یاند، هێزه‌كانی روسیا ده‌ستبه‌رداری ده‌ستبه‌سه‌رداگرتنی شاری ئارتیۆمۆڤسك (به‌خموت) له كۆماری گه‌لی دۆنێتسك بون، ئۆپه‌راسیۆنه هێرشبه‌ره‌كانیان بۆ ده‌ركردنی هێزه‌كانی ڕوسیا له‌و دو ناوه‌ندی دانیشتوانه له كلێشچیڤكا و ئه‌ندرێیڤكا به‌رده‌وام ده‌بن.