خه‌ندان-

سەرچاوەیەک لە یەکێک لەوەزارەتەکان رایگەیاند، حکومەتی هەرێم، بەهۆی قەیرانی نەختینە و کەمبونەوەی داهاتی نەوتەوە، بەڕێژەی 75% نەسریەی وەزیرەکان و دیوانی وەزارەتەکانی بەناوی پاشەکەوتەوە کەمکردۆتەوە.

بەگوێرەی ئەو زانیاریانەی لەیەکێک لەوەزارەتەکانەوە بە خەندان دراون، حکومەتی هەرێم لەم مانگەوە نەسریەی وەزیرەکان و دیوانی وەزارەتەکانی بەڕێژەی 75% کەمکردۆتەوە، هۆکاری ئەوەشی بۆ کەمبونەوەی داهاتی نەوت و قەیرانی نەختینەیی گەڕاندۆتەوە.

بەشێکی زۆر لە بانکەکانی هەولێر و دهۆکیش، هاوشێوەی سلێمانی کێشەی سیولەیان بۆ دروستبوە

هەر بەگوێرەی ئەو زانیاریانە، لەئێستادا بەشێکی زۆر لە بانکەکانی هەولێر و دهۆکیش، هاوشێوەی سلێمانی کێشەی سیولەیان بۆ دروستبوە و پارەیەکی کەمیان لەبەردەستدا ماوە، هەربۆیە حکومەت بڕیاریداوە پاشەکەوت لە نەسریەی وەزیرەکان و دیوانی وەزارەتەکان دەستپێبکات.

حکومەتی هەرێم بۆ مانگی (شوبات/2) تەنها 25%ی نەسریەی وەزیرەکان و دیوانی وەزارەتەکانی خەرجکردوە

لەزانیاریەکاندا ئەوەشخراوەتەڕو، حکومەتی هەرێم بۆ مانگی (شوبات/2) تەنها 25%ی نەسریەی وەزیرەکان و دیوانی وەزارەتەکانی خەرجکردوە، تاوەکو ئێستاش هیچ وادەیەکی بۆ دانەوەی ئەو 75%یەی دیکە نەخستۆتەڕو کە وەکو پاشەکەوت لەئەستۆی حکومەت دەمێنێتەوە، لەکاتێکدا کێشە بۆ بەشێک لەوەزارەتەکان دروستبوە بەهۆی ئەوەی ئەو پرۆژانەی لە نەسریەی وەزارەتەکانیان ئەنجامیانداوە، لەئێستادا ناتوانن پارەی پێویستیان بۆ خەرجبکەن.