خەندان-

دوای چەند کاتژمێرێک لە هێرشی فڕۆکەی بێ فڕۆکەوانی تورکیا لە چیای ئاسۆس نزیک گوندی گەڵاڵەی شارباژێر، کەمێک پێش ئێستا شەهیدێک و چوار برینداری بۆردومانەکە گەیەنرانە نەخۆشخانەکانی ماوەت و قەڵادزێ.

شەهید و بریندارێک گەیەنراونەتە نەخۆشخانەی ماوەت

بەگوێرەی زانیارییەکان کە لە نەخۆشخانەی ماوەت بە خەندان دراون، کەمێک پێش ئێستا بریندارێکی بۆردومانەکەی فڕۆکەکانی تورکیا بۆ سەر چیای ئاسۆس لە نزیک گوندی گەڵاڵە و شەهیدێکی روداوەکە گەیەنراونەتە نەخۆشخانە.

دو بریندار گەیەنراونەتە نەخۆشخانەکانی سنوری قەڵادزێ

هاوکات دو برینداری دیکەی بۆردومانەکە کە برینەکانیان سەخت بوە و نەتوانراوە بگەیەنرێنە ماوەت، رەوانەی نەخۆشخانەکانی سنوری قەڵادزێ کراون و چارەسەری پێویستیان لەوێ بۆ کراوە.

 چارەسەری پێویستی بۆ کراوە و رەوانەی ماڵەکەوە کراوەتەوە

بەرپرسانی تەندروستی ماوەت دەڵێن، بریندارێکی دیکەی بۆردومانەکەش کە برینەکەی سوک بوە، چارەسەری پێویستی بۆ کراوە و رەوانەی ماڵەکەوە کراوەتەوە.

ئه‌و ناوچه‌یه‌ی رویان تێكردوه‌ مه‌ترسیداربوه‌ 

لای خۆیەوە كامه‌ران حه‌سه‌ن، قائیمقامی ماوه‌ت به‌ خه‌ندان-ی راگه‌یاند، ده‌وترێت هاوڵاتییه‌كان بۆ گۆیژ و قارچ رویان له‌ شاخه‌كه‌ كردوه‌، ئه‌و ناوچه‌یه‌ی رویان تێكردوه‌ مه‌ترسیداربوه‌ به‌هۆی ئه‌وه‌ی به‌رده‌وام له‌لایه‌ن فڕۆكه‌ی بێفڕۆكه‌وانی توركیاوه‌ چاودێری ده‌كرێت.

ناوی بەشێک لە بریندارەکان:

1- محەمەد قادر ئاغا

2- کوێخا محەمەد عەلی

3- زانا محەمەد عەلی

4- سەعید محەمەد ڕەسوڵ

5- ساڵح قادر

ناوی یەکێک لە شەهیدەکان: عەزیز محەمەد ڕەسوڵ