كچه‌ سه‌ماكه‌رێك له‌لایه‌ن براكه‌یه‌وه‌ كوژرا

11:46 - 20/11/2022

44937جار خوێندراوەتەوە

خه‌ندان-

سه‌رچاوه‌یه‌كی ئه‌منیی له‌ به‌غدای پایته‌خت رایگه‌یاند، كچێك كه‌ وه‌ك سه‌ماكار له‌ یانه‌یه‌كی شه‌وانه‌دا كارده‌كات ، له‌لایه‌ن براكه‌یه‌وه‌ دراوه‌ته‌ به‌ر چه‌قۆ و كوژراوه‌ و پاشانیش براكه‌ی به‌ره‌و شوێنێكی نادیار هه‌ڵاتوه‌.

به‌وته‌ی سه‌رچاوه‌یه‌كی ئه‌منی، به‌ره‌به‌یانی ئه‌مڕۆ یه‌كشه‌ممه‌ له‌باڵه‌خانه‌یه‌كی نیشته‌جێبون له‌ناوچه‌ی دۆره‌ی به‌غدا، كچێك له‌لایه‌ن براكه‌یه‌وه‌ دراوه‌ته‌ به‌ر چه‌قۆ و كوژراوه‌، دوای ئه‌نجامدانی تاوانه‌كه‌ش، براكه‌ی به‌ره‌و شوێنێكی نادیار هه‌ڵاتوه‌.

كچه‌كه‌ دانیشتوی باڵه‌خانه‌كه‌یه‌ و له‌ یانه‌یه‌كی شه‌وانه‌دا وه‌ك سه‌ماكار كارده‌كات

ئه‌و سه‌رچاوه‌یه‌ ئاماژه‌ی به‌وه‌شكرد، كچه‌كه‌ دانیشتوی باڵه‌خانه‌كه‌یه‌ و له‌ یانه‌یه‌كی شه‌وانه‌دا وه‌ك سه‌ماكار كارده‌كات، ماوه‌یه‌كی زۆره‌ له‌گه‌ڵ چه‌ند هاوڕێیه‌كی یه‌كه‌یه‌كی نیشته‌جێبونیان له‌ناوچه‌ی دۆره‌ گرتوه‌ و پێكه‌وه‌ ده‌ژین. 

 ئه‌و كچه‌ ماوه‌یه‌ك له‌مه‌وبه‌ر به‌هۆی كاره‌كه‌یه‌وه‌ ماڵه‌وه‌یانی به‌جێهێشتوه‌ و هه‌ڵاتوه‌

ئه‌وه‌شیخسته‌ڕو، ئه‌و كچه‌ ماوه‌یه‌ك له‌مه‌وبه‌ر به‌هۆی كاره‌كه‌یه‌وه‌ ماڵه‌وه‌یانی به‌جێهێشتوه‌ و هه‌ڵاتوه‌، به‌ڵام به‌رده‌وامیش بوه‌ له‌كاركردن وه‌ك سه‌ماكه‌ر له‌یانه‌یه‌كی شه‌وانه‌، دوای دۆزینه‌وه‌ی شوێنه‌كه‌ی له‌لایه‌ن براكه‌یه‌وه‌ هێرشیكراوه‌ته‌سه‌ر و كوژراوه‌.

هێزه‌ ئه‌منیه‌كان ته‌رمی ئه‌و كچه‌یان ره‌وانه‌ی پزیشكی دادی به‌غدا كردوه‌

سه‌رچاوه‌كه‌ راشیگه‌یاند، هێزه‌ ئه‌منیه‌كان ته‌رمی ئه‌و كچه‌یان ره‌وانه‌ی پزیشكی دادی به‌غدا كردوه‌ و تا ئێستاش هیچ كه‌سێك له‌خانه‌واده‌كه‌ی سه‌ردانی پزیشكی دادیان نه‌كردوه‌ به‌مه‌به‌ستی وه‌رگرتنه‌وه‌ی ته‌رمه‌كه‌ی و لێكۆڵینه‌وه‌ به‌دواداچونیش بۆ ئه‌و روداوه‌ و ده‌ستگیركردنی تۆمه‌تباری سه‌ره‌كی كه‌ برای كچه‌ كوژراوه‌كه‌یه‌ ده‌ستیپێكردوه‌.

نیشانەکردن

عێراق