رێباز حه‌ملان: رۆژێك دێت به‌یداخی ریفراندۆم ده‌بێته‌ چاره‌نوسی میلله‌ته‌كه‌مان

07:52 - 24/09/2022

1226جار خوێندراوەتەوە

خه‌ندان-

رێباز حه‌ملان یاریده‌ده‌ری سه‌رۆكی حكومه‌تی هه‌رێم له‌په‌یامێكدا رایگه‌یاند، ریفراندۆم به‌ری ڕه‌نج و ئامانجی خه‌بات و خوێنی شه‌هیدان و ئه‌و پێشمه‌رگانه‌یه‌ كه‌ به‌رده‌وام له‌ سه‌نگه‌ری به‌رگریدان، "‎رۆژی خۆی دێت به‌یداخی ڕیفراندۆم به‌ شه‌كاوه‌یی ده‌بێته‌ چاره‌نوسی میلله‌ته‌كه‌مان.

رێباز حه‌ملان له‌ هه‌ژماری تایبه‌تی خۆی له‌تۆڕی كۆمه‌ڵایه‌تی فه‌یسبوك له‌ژێر ناوی (خۆری ریفراندۆم ھه‌رگیز ئاوا نابێت) نوسیویه‌تی، "ریفراندۆم به‌ری ڕه‌نج و ئامانجی خه‌بات و خوێنی شه‌هیدان و ئه‌و پێشمه‌رگانه‌یه‌ كه‌ به‌رده‌وام له‌ سه‌نگه‌ری به‌رگریدان، له‌لایه‌ن سه‌رۆك و پێشمه‌رگه‌یه‌كه‌وه‌ رابه‌رایه‌تی كرا كه‌ خه‌م و مێژوی نه‌ته‌وه‌یه‌كی هه‌ڵگرتو گه‌یاندیه‌ مه‌نزڵ".

سه‌رۆك مه‌سعود بارزانی وه‌زیفه‌ی نیشتمانی و نه‌ته‌وه‌یی خۆی له‌ ریفراندۆمدا به‌جێگه‌یاند
ده‌شڵێت، "سه‌رۆك مه‌سعود بارزانی وه‌زیفه‌ی نیشتمانی و نه‌ته‌وه‌یی خۆی له‌ ریفراندۆمدا به‌جێگه‌یاند، په‌یام و خه‌ون و ئامانجی سه‌د ساڵی شۆڕش و خه‌باتی گه‌لی كوردستانی گه‌یاند به‌ھه‌مو جیھان".
‎رۆژی خۆی دێت به‌یداخی ڕیفراندۆم به‌ شه‌كاوه‌یی ده‌بێته‌ چاره‌نوسی میلله‌ته‌كه‌مان
ئاماژه‌ی به‌وه‌شكردوه‌، "‎رۆژی خۆی دێت به‌یداخی ڕیفراندۆم به‌ شه‌كاوه‌یی ده‌بێته‌ چاره‌نوسی میلله‌ته‌كه‌مان و وه‌ڵامێك ده‌بێت بۆ نه‌یارانی و شانازییه‌كی مه‌زن بۆ پشتیوانه‌كانی، ده‌بێته‌ رۆژی كه‌رنه‌ڤاڵی نیشتیمانی بۆ نه‌وه‌كانی داهاتو".