هەواڵی ئەمڕۆ

چیرۆکی ئەم وێنەیە سەرنجڕاکێشە؛ "هاوڕێی کاتی تەنگانە، هاوڕێی راستەقینەیە"

12:25 - 12/09/2022

6775جار خوێندراوەتەوە

خەندان-

ماوەی چەند رۆژێکە دیمەنی هاوکاری خوێندکارێک لە چین بۆ هاوڕێکەی بوەتە مایەی پێشوازی بەکارهێنەرانی تۆڕە کۆمەڵایەتییەکان و بە هاوبەشیکردن و دروستکردنی کاریکاتێری جیاواز دەستخۆشی لەو خوێندکارە دەکەن، چونکە لەکاتی رودانی بومەلەززە و لەکاتێکدا هەموان رایانکرد بۆ رزگاری گیانیان، بەڵام ئەو خوێندکارە تەنها خەمی خۆی نەبو و هاوڕێکەشی لەپشتکرد و رزگاریکرد.

هاوڕێکەی کە پێویستی بە هاوکارییە جێناهێڵێت و رزگاری دەکات

دیمەنی ڤیدیۆیی ئەو روداوی بومەلەرزەیە لە چین بە خێرایی بە میدیا و تۆڕە کۆمەڵایەتییەکانی جیهاندا بڵاوکرایەوە، لە ڤیدیۆکەدا سەرجەم خوێندکارەکان بەهۆی ترسیان لە بومەلەرزەکە بەخێرایی هۆڵی خوێندنەکەیان جێدەهێڵن، بەڵام یەکێک لە خوێندکارەکان دەمێنێتەوە و هاوڕێکەی کە پێویستی بە هاوکارییە جێناهێڵێت، دواترییش هاوڕێکەی لەپشت دەکات و رزگاری دەکات.

ئاماژەیان بە بەهێزی ئەو خوێندکارە کردوە لەکاتێکدا تەمەنێکی کەمی هەیە

وەک لە وێنە و ڤیدیۆکاندا دەردەکەوێت ئەو خوێندکارە چەندجارێک هەوڵدەدات هاوڕێکەی لە کۆڵ بکات و دواجار دەتوانێت، بەکارهێنەرانی تۆڕە کۆمەڵایەتییەکان لە بڵاوکردنەوەی وێنە و ڤیدیۆکاندا ئاماژەیان بە بەهێزی و دڵسۆزی ئەو خوێندکارە بۆ هاوڕێکەی کردوە لەکاتێکدا تەمەنێکی کەمی هەیە.

نیشانەکردن

چین جۆراوجۆر