لەبارەی "تێکچونی ته‌ندروستی" وەزیری دارایی رونکردنەوە دەدات

08:36 - 11/09/2022

5253جار خوێندراوەتەوە

خەندان-

وه‌زاره‌تی دارایی و ئابوریی هەرێمی کوردستان رایگەیاند، رۆژی 8ی ئەم مانگە  دۆخی ته‌ندروستی ئاوات جه‌ناب نوری، وه‌زیری دارایی و ئابوری تێكچوە، بەڵام ئەمڕۆ ناوبراو بە تەندروستییەکی باشەوە نەخۆشخانەی جێهێشتوە.

سه‌ردانی نه‌خۆشخانه‌ی كرد و چاره‌سه‌ری پێویستی بۆ ئه‌نجامدرا

وه‌زاره‌تی دارایی و ئابوریی هەرێمی کوردستان ئەمڕۆ لە راگەیەنراوێکدا باسی لەوەشکردوە، پاش ئه‌وه‌ی رۆژی پێنجشه‌ممه‌ رێكه‌‌وتی 2022/9/8، دۆخی ته‌ندروستی ئاوات جه‌ناب نوری، وه‌زیری دارایی و ئابوری تێكچو، به‌مه‌به‌ستی چاره‌سه‌ر سه‌ردانی نه‌خۆشخانه‌ی كرد و چاره‌سه‌ری پێویستی بۆ ئه‌نجامدرا.

ناوبراو به‌ ته‌ندروستییه‌كی باشه‌وه‌ نه‌خۆشخانه‌ی به‌جێهێشتوە

ئەوەش هاتوە، ئه‌مڕۆ یه‌كشه‌ممه رێكه‌وتی 2022/9/11، ناوبراو به‌ ته‌ندروستییه‌كی باشه‌وه‌ نه‌خۆشخانه‌ی به‌جێهێشتوە. لێرەوە سوپاسی ئه‌و کەسانە ده‌كه‌ن كه‌ له‌ نه‌خۆشخانه‌ سه‌ردانی  وه‌زیریان كرد و به‌ته‌له‌فۆن هه‌واڵیان پرسیوه‌. 

 له‌ ئێستادا له‌ ته‌ندروستییه‌كی باشدایە‌

وه‌زاره‌تی دارایی و ئابوریی هەرێمی کوردستان دەڵێت، له‌ ئێستادا دۆخی ته‌ندروستی ئاوات جه‌ناب نوری جێگیره‌ و له‌ ته‌ندروستییه‌كی باشدایە‌.

نیشانەکردن

حکومەتی هەرێم