بەهۆی بڵاوبونەوەی کۆرۆنا، ملیۆنان کەس لە وڵاتێکی ئاسیادا کەرەنتین دەکرێن

10:30 - 30/08/2022

5150جار خوێندراوەتەوە

خەندان-

دەسەڵاتدارانی چین رایانگەیاند، بەهۆی سەرلەنوێ بڵاوبونەوەی ڤایرۆسی کۆرۆنا لە شارەکەدا، بڕیاردراوە کەرەنتینەی گشتی لە شارەکانی شنگدو و شیناڵ لە هەرێمی خوبی دەوروبەری پەکینی پایتەخت جێبەجێ بکرێت، کە نزیکەی چوار ملیۆن کەس لەو ناوچانەدا دەژین.

بڕیارەکەش تا کۆتایی ئەم هەفتەیە بەردەوامی دەبێت

دەسەڵاتدارانی تەندروستی چین ئەمڕۆ سێشەممە لە راگەیەنراوێکدا باسیان لەوەشکردوە، ئامانجی کەرەنتینەی گشتی بۆ رێگریکردنە لە زیاتر بڵاوبونەوەی کۆرۆنا و بڕیارەکەش تا کۆتایی ئەم هەفتەیە بەردەوامی دەبێت.

13 مليۆن کەس ناچاربون پشکینی پی سی ئاڕ بکەن

لەلایەکی دیکەشەوە بەهۆی تۆمارکردنی هەشت حاڵەتی توشبون بە پەتاکە، زیاتر لە 13 مليۆن کەس لە شاری دجانی هاوسنور لەگەڵ پەکین ناچاربون پشکینی پی سی ئاڕ بکەن.

هەمو هاوڵاتییەک کە لە ناوچەیەکەوە دەچێت بۆ ناوچەیەکی دیکە، کەرەنتین دەکرێت

لەئێستادا دەسەڵاتدارانی چین لە ژمارەیەک ناوچەی وڵاتەکەیان کەرەنتینەی گشتییان راگەیاندوە و هاوڵاتیانیان پابەندکردوە کە لەنێوان هەمو 48 بۆ 72 کاتژمێرێکدا یەکجار پشکینی پی سی ئاڕ بکەن، هەروەها هەمو هاوڵاتییەکیش کە لە ناوچەیەکەوە دەچێت بۆ ناوچەیەکی دیکەی وڵاتەکە بۆ ماوەیەک کەرەنتین دەکرێت.

نیشانەکردن

چین ڤایرۆسی کۆرۆنا