هەواڵی ئەمڕۆ

50 هۆڵۆکۆست 50 کۆمەڵکوژی.. مەحمود عەباس ئۆلاڤ شۆڵتز توڕەدەکات

11:53 - 17/08/2022

3294جار خوێندراوەتەوە

خەندان-

لێدوانەکانی دوێنێ سێشەممەی مەحمود عەباس، سەرۆکی فەلەستین بە لێکچواندنی هێرشەکانی ئیسرائیل بۆ سەر وڵاتەکەی  بە  تاوانی هۆلۆکۆست، ئۆلاڤ شۆڵتز سەرۆکی ئەڵمانیا توڕە دەکات و "بە توندی" وەڵامی دەداتەوە.

نیگەرانم لەو لێدوانە شەرمەزارکەرانەی مەحمود عەباس

ئۆلاڤ شۆڵتر، راوێژکاری ئەڵمانیا، ئەمڕۆ چوارشەممە، لە تویتێکدا بڵاویکردوەتەوە،"لە لای ئێمەی ئەڵمانییەکان هەر هەوڵێک بۆ لێکچواندنی رێژەیی بۆ تاوانی هۆڵۆکۆست، رێی تێناچێت و قبوڵکراو نییە، نیگەرانم لەو لێدوانە شەرمەزارکەرانەی مەحمود عەباس، سەرۆکی فەلەستین لەو بارەیەوە".

شەوی سێشەممە، مەحمود عەباس، سەرۆکی فەلەستین سەردانی بەرلینی کرد

شەوی سێشەممە، مەحمود عەباس، سەرۆکی فەلەستین سەردانی بەرلینی کرد و لەگەڵ ئۆلاڤ شۆڵتز کۆبوەوە و دواین گۆڕانکارییە سیاسییەکانی ناوچەکە و هەوڵەکان بۆ زیندوکردنەوەی پرۆسەی ئاشتی و پەیوەندییە دو قۆڵیەکانی نێوان هەردو وڵات تاوتوێکران، لەوچوارچێوەیەشدا ئاشکرایکرد، پارێزگاریکردن لە هەردو دەوڵەت بە وەستاندنی هێرشەکانی ئیسرائیل لە فەلەستین و دانپیدانانی ئەندامێتی لە نەتەوە یەکگرتوەکان دەبێت.

ئیسرائیل کۆمەڵکوژی دژی هاوڵاتییەکانمان ئەنجامدەدات

 هاوکات لەدوای کۆبونەوەکە لە کۆنفرانسێکی رۆژنامەوانی هاوبەشدا رایگەیاند،"ئیسرائیل کۆمەڵکوژی دژی هاوڵاتییەکانمان ئەنجامدەدات، لەساڵی 1947 هەتا ئەمڕۆ 50 کۆمەڵکوژی لە شوێنە جیاوازەکانی فەلەستین ئەنجامداوە،"50کۆمەڵکوژی، 50 هۆلۆکۆست".

ئەگەر بمانەوێت بەردەوام دەبین لەسەر رێچکەی رابردومان

هاوکات لە وەڵامی رۆژنامەنوسێک بە ئەگەری دوای لێبوردن لە ئیسرائیل لە یادی 50 ساڵەی هێرشکردنە سەر نوێنەری وەرزشی ئیسرائیل لە ئۆڵۆمپیادی 1972ی میونخ، وتی،" رۆژانە شەهیدمان هەیە بەدەستی سوپای ئیسرائیل، ئەگەر بمانەوێت بەردەوام دەبین لەسەر رێچکەی رابردومان".

خزمەت بە ئەمن و ئاسایشی ناوچەکەمان ناکات

وتیشی،"تێکدانی دو دەوڵەتەکە و دروستکردنی واقعێکی نوێ لە یەک دەوڵەتدا بە پێی سیستەمی ئاپارتاید خزمەت بە ئەمن و ئاسایشی ناوچەکەمان ناکات.

هەر لەو کۆنفرانسە رۆژنامەوانیەدا،  شۆڵتز بە ئاماژەی زۆر رون ئەو تۆمەتانەی رەتکردەوە کە مەحمود عەباس ئاراستەی ئیسرائیلی کرد.