کۆبونەوەی پەرلەمانی عێراق دەستیپێکرد و زیاتر لە 70 پەرلەمانتاری نوێ سوێندی یاسایی دەخۆن

01:42 - 23/06/2022

3371جار خوێندراوەتەوە

خەندان-

دوانیوەڕۆی ئەمڕۆ پێنجشەممە بەبەشداری 201 پەرلەمانتار کۆبونەوەی نائاسایی پەرلەمانی عێراق دەستیپێکرد، لەکۆبونەوەکەدا پەرلەمانتارانى نوێ لەجێگەی پەرلەمانتارە دەستلەکارکێشاوەکانى فراکسیۆنى سەدر سوێندی یاسایی دەخۆن.

پەرلەمانتارانی جێگرەوەی فراکسیۆنی سەدر سوێندی یاسایی دەخۆن

د.بڕیار رەشید، ئەندامی فراکسیۆنی یەکێتی لە پەرلەمانی عێراق بە خەندان-ی رایگەیاند، کەمێک لەمەوبەر زەنگی چونەژورەوەی پەرلەمان لێدرا و کۆبونەوەی پەرلەمان دەستیپێکرد، لەکۆبونەوەکەشدا پەرلەمانتارانی جێگرەوەی فراکسیۆنی سەدر سوێندی یاسایی دەخۆن.

لەکۆبونەوەکەدا 201 پەرلەمانتار بەشدارن 

ئاماژەی بەوەشکرد، لەکۆبونەوەکەدا 201 پەرلەمانتار بەشدارن و فراکسیۆنەکانی یەکێتی، پارتی، نەوەی نوێ و یەکگرتوش ئامادەی کۆبونەوەکە بون.

ژمارەیەک برگەی پەیڕەوی ناوخۆ هەموار دەکرێنەوە 

ئەو پەرلەمانتارەی فراکسیۆنی یەکێتی ئەوەشی خستەڕو، بەرنامەی کاری کۆبونەوەکە بریتین لە دەنگدان لەسەر هەمواری ژمارەیەک برگەی پەیڕەوی ناوخۆ و سوێندخواردنی پەرلەمانتارانی جێگرەوەی فراکسیۆنی سەدر.

نیشانەکردن

پەرلەمانی عیراق