ئۆکرانیا ئامارێکی نوێی جەنگی لەگەڵ روسیا بڵاوکردەوە

11:49 - 20/05/2022

4491جار خوێندراوەتەوە

خەندان-
دەستەی ئەرکانی سوپای ئۆکرانیا رایدەگەیەنێت لەماوەی 24 کاتژمێری رابردودا 14 هێرشی روسیایان لە رۆژهەڵاتی وڵاتەکە تێکشکاندوە و هەشت تانک و 14 یەکەمی مودەرەعە و شەش ئۆتۆمبێلی جەنگی روسیایان لەناوبردوە.

توانیویانە فڕۆکەیەکی جەنگی روسی لە جۆری Orlan-10 بخەنە خوارەوە 

ئەمڕۆ هەینی، دەستەی ئەرکانی سوپای ئۆکرانیا ئامارەکانی  24 کاتژمێر جەنگی لەگەڵ روسیا بڵاوکردوەتەوە و ئاشکرایکردوە، توانیویانە فڕۆکەیەکی جەنگی روسی لە جۆری Orlan-10 بخەنە خوارەوە و 14 هێرشیان بەرپەرچ داوەتەوە و هەشت تانک و 14 یەکەمی مودەرەعە و شەش ئۆتۆمبێلی جەنگی روسیایان لەناوبردوە.

لەو ماوەیەدا 13 هاوڵاتی مەدەنی لە هەرێمی لۆهانسکی رۆژهەڵاتی ئۆکرانیا لە ئەنجامی بۆردومانەکانی روسیا کوژراون

ئاشکراشیکردوە،" لەو ماوەیەدا 13 هاوڵاتی مەدەنی لە هەرێمی لۆهانسکی رۆژهەڵاتی ئۆکرانیا لە ئەنجامی بۆردومانەکانی روسیا کوژراون".

هەریەکە لە ناوچەکانی سێڤەر و دۆنێتسک و لیسیکانسک دواین سەنگەرەکانی بەرگری ئۆکرانیان و سوپای روسیاش گەمارۆی دو لەو ناوچانەیان داوە

لەئێستادا هەریەکە لە ناوچەکانی سێڤەر و دۆنێتسک و لیسیکانسک دواین سەنگەرەکانی بەرگری ئۆکرانیان و سوپای روسیاش گەمارۆی دو لەو ناوچانەیان داوە و شەڕ و پێکدادانەکانیش بەردەوامیان هەیە.

ئەمە لەکاتێکدایە، ئەمڕۆ ڤۆلۆدیمێر زێلێنسکی سەرۆکی ئۆکرانیا رایگەیاند روسیا ناوچەکانی دۆنباسی کردوەتە دۆزەخ، لەدوای بێئومێدبونی لە رۆژئاوای وڵاتەکە هێرشەکانی لە باشورو و رۆژهەڵات چڕکردوەتەوە.