رانیە؛ منداڵێک لە مردن رزگارکرا کە پارچەیەک گوێز لە قورگی گیرابو

09:18 - 20/05/2022

2649جار خوێندراوەتەوە

خەندان-
د.رەوەند عەبدولرەحمان عیسا، پزیشک لە نەخۆشخانەی رانیە رایدەگەیەنێت، بەرەبەیانی ئەمڕۆ توانیویانە منداڵێکی تەمەن سێ ساڵ لە مردن رزگاربکەن کە پارچەیەک گوێزی بچوک لە قورگی گیربوبو.

توانیمان  منداڵێکی تەمەن سێ ساڵ لە خنکان رزگار بکەین کە  پارچەیەک گوێز ڕێڕەوی هەناسەی گرتبو

د.رەوەند عەبدولرەحمان عیسا، لەلاپەڕەی تایبەتی خۆی لە فەیسبوک بڵاویکردوەتەوە،" بەم درەنگانی شەوە  تا بەرەبەیان بە هاوکاری ستافێکی  ماندونەناس، بە ئامێری خۆم کە پێشکەوتوترین نازۆڕە، توانیمان  منداڵێکی تەمەن سێ ساڵ لە خنکان رزگار بکەین کە  پارچەیەک گوێز ڕێڕەوی هەناسەی گرتبو".

دکتۆرە نەجات (پسپۆڕی بێهۆشکاری)، دکتۆر شێرۆ (پزیشکی پایەبڵند)، کاک نیهاد(ی.بێهۆشکاری)، کاک صابر (ی.نەشتەرگەری)، دکتۆر شادی(پزیشکی چاودێری) بەشداری نەشتەرگەرییەکەیان کردوە

رونیشیکردوەتەوە،" دکتۆرە نەجات (پسپۆڕی بێهۆشکاری)، دکتۆر شێرۆ (پزیشکی پایەبڵند)، کاک نیهاد(ی.بێهۆشکاری)، کاک صابر (ی.نەشتەرگەری)، دکتۆر شادی(پزیشکی چاودێری) بەشداری نەشتەرگەرییەکەیان کردوە و سوپاسیان دەکەم".

چەرەسات تا دوای تەمەنی چوار ساڵان نابێت بدرێت بە مناڵ

لای خۆشییەوە.د.ئاوات واژەیی پزیشکی منداڵان بڵاویکردوەتەوە،" کە دەڵێین چەرەسات تا دوای تەمەنی چوار ساڵان نابێت بدرێت بە مناڵ لەبەر ئەم حاڵەتەیە.