گه‌نجێك له‌ ده‌ریاچه‌ی دوكان خنكا

05:31 - 19/05/2022

1883جار خوێندراوەتەوە

خه‌ندان-

به‌ڕێوه‌به‌رایه‌تی به‌رگری شارستانی سلێمانی رایگه‌یاند، ئه‌مڕۆ له‌ده‌ریاچه‌ی دوكان گه‌نجێك كه‌ به‌له‌مێكی بچوكی خۆی پێبوه‌ و كه‌وتوه‌ته‌ ناو ئاوه‌كه‌وه‌ و تیمه‌كانی به‌رگری شارستانیش له‌هه‌وڵدان بۆ دۆزینه‌وه‌ی ته‌رمه‌كه‌ی.

ئاوات عەلی وتەبێژی بەرگری شارستانی سلێمانی، به‌ خه‌ندان-ی راگه‌یاند، ئه‌مڕۆ گه‌نجێك به‌به‌له‌مێك چوه‌ته‌ ناو ده‌ریاچه‌ی دوكانه‌وه‌ و به‌له‌مه‌كه‌ی وه‌رگه‌ڕاوه‌ كه‌ به‌له‌مێكی بچوكی خۆی بوه‌، به‌بێ ره‌چاوكردنی مه‌رجه‌كانی سه‌لامه‌تی و له‌به‌ركردنی جلوبه‌رگ و چوپ.

تا ئێستا ته‌رمی ئه‌و گه‌نجه‌ كه‌ ته‌مه‌نی 26 ساڵانه‌ نه‌دۆزراوه‌ته‌وه‌

وتیشی، "تا ئێستا ته‌رمی ئه‌و گه‌نجه‌ كه‌ ته‌مه‌نی 26 ساڵانه‌ نه‌دۆزراوه‌ته‌وه‌ و تیمه‌كانی به‌رگری شارستانی له‌هه‌وڵدان بۆ دۆزینه‌وه‌ و ده‌رهێنانه‌وه‌ی ته‌رمه‌كه‌ی".

ساڵانه‌ له‌وه‌رزی به‌هار و هاویندا به‌مه‌به‌ستی گه‌شت و سه‌یران هاوڵاتیه‌كی زۆر رو له‌ده‌ریاچه‌ و ناوچه‌ گه‌شتیاریه‌كان ده‌كات، به‌هۆی ناشاره‌زایی و نه‌بونی ئه‌زمون، چه‌ندین حاڵه‌تی كه‌وتنه‌ ناو ئاو و خنكان تۆمارده‌كرێت.

نیشانەکردن

سلێمانی