هەواڵی ئەمڕۆ

سزای لەسێدارەدان بۆ بکوژی دو هاوسەرەکەی گەڕەکی شۆراوی کەرکوک دەرچو

01:00 - 19/05/2022

980جار خوێندراوەتەوە

خەندان-
دوای نزیکەی حەوت مانگ لە ئەنجامدانی کوشتنی دو هاوسەر لەگەڕەکی شۆراو، دادگای تاوانەکانی کەرکوک سزای لەسێدارەدانی بۆ ئەنجامدەرانی ئەو تاوانە دەرکرد.

سزای دو جار لەسێدارەدان بۆ بکوژانی هەریەکە لە (نور بەدر جاسم و عەباس فازل ئەحمەد) دەرچوە

بەگوێرەی نوسراوێکی دادگای تاوانەکانی کەرکوک کە وێنەیەکی دەست خەندان کەوتوە،" بەگوێرەی ماددەی 406 لە یاسای سزادانی عێراقی سزای دو جار لەسێدارەدان بۆ بکوژانی هەریەکە لە (نور بەدر جاسم و عەباس فازل ئەحمەد) دەرچوە".

سزای لەسێدارەدانەکان یەکێکیان لەبەرامبەر کوشتنی نور بەدرە و ئەوی دیکەشیان لەبەرامبەر کوشتنی هاوسەرەکەیەتی

ئاشکراشیکردوە،" سزای لەسێدارەدانەکان یەکێکیان لەبەرامبەر کوشتنی نور بەدرە و ئەوی دیکەشیان لەبەرامبەر کوشتنی هاوسەرەکەیەتی".

لە 28-11-2021 پۆلیسی کەرکوک هەواڵی کوشتنی ژن و پیاوێکی لەماڵەکەی خۆیاندا لە گەڕەکی شۆراو راگەیاند

لە 28-11-2021 پۆلیسی کەرکوک هەواڵی کوشتنی ژن و پیاوێکی لەماڵەکەی خۆیاندا لە گەڕەکی شۆراو راگەیاند، کە پیاوەکە سەری بڕدرابو  و ژنەکەش ئاسەواری فیشەک بە جەستەیەوە دیاربوە".

 بە هاوبەشی لەگەڵ پۆلیسی تاوانی بەسرە، توانیویانە سێ تۆمەتباری هەڵاتو دەستگیربكەن

دواتر و دوای تێپەڕبونی کەمتر لە مانگێک پۆلیسی نەهێشتنی تاوانی کەرکوک لە راگەیەندراوێکدا بڵاویکردەوە، ، بە هاوبەشی لەگەڵ پۆلیسی تاوانی بەسرە، توانیویانە سێ تۆمەتباری هەڵاتو دەستگیربكەن، کە پێکهاتون لە دو  پیاو و ژنێك، دوای ئەوەی ژن و پیاوێكیان لەناو ماڵەكەی خۆیاندا لە شۆراو سەربڕی، بەرەو پارێزگای بەسرە هەڵاتون.

یەکێک لە تۆمەتبارەکان ناسیاوی پیاوەکە بوە و پێشینەی تاوانیشی هەبوە

 ئاشکراشیکرد،"یەکێک لە تۆمەتبارەکان ناسیاوی پیاوەکە بوە و پێشینەی تاوانیشی هەبوە، بەگوێرەی دانپێدانانە سەرەتاییەكان، پاڵنەری ئەو تاوانە دزینی پارە و ئاڵتون بوە".