هەواڵی ئەمڕۆ

وەزیری دارایی بریتانیا: دۆخێکی ئابوری "مەترسیدار" لەرێگەیە

09:45 - 19/05/2022

5540جار خوێندراوەتەوە

خەندان-
وەزیری دارایی و خەزێنەی بریتانیا هۆشداری لە دۆخی ئابوری دەدات و رایدەگەیەنێت، لە چەند مانگی داهاتودا دۆخی ئابوری مەترسیدار و قورس دروست دەبێت کە لە 40 ساڵی رابردودا هاوشێوەی نەبوە.

 حکومەت ئامادەیی کەمکردنەوە و لابردنی باجی سەر کۆمپانیاکانە 

ریچی سوناک، وەزیری دارایی و خەزێنەی بریتانی، لە وتارێکیدا لەبەردەم خاوەنی ژمارەیەک لە کۆمپانیاکانی وڵاتەکەی رایگەیاند،" حکومەت ئامادەیی کەمکردنەوە و لابردنی باجی سەر کۆمپانیاکانە بە ئامانجی کەمکردنەوەی بارگرانی سەریان و هاندانیان بۆ وەبەرهێنان، ئەمە جگە لە هاوکاریکردنی خێزانە کەمدەرامەتەکان لە دابینکردنی وزە و خواردن و سوتەمەنی".

 چەند مانگی داهاتو لەروی ئابورییەوە قورس دەبێت

رونیشیکردەوە،" چەند مانگی داهاتو لەروی ئابورییەوە قورس دەبێت، ئێمە ناتوانین ئەوە بشارینەوە یان وای دەربخەین بۆ خێزانەکان ئاسان دەبێت، ئێمە دەسەڵاتی ئەوەمان نییە یاسایەک دەربکەین کە ئەم هێزە جیهانییە لە شەوێکدا ون بکەین، بەڵام هەرچیمان پێبکرێت دەیکەین بۆ تێپەڕاندنی".

 پلانەکانمان جێگیرە، خۆی لە دابەزاندن و چاکسازی لە باجی تایبەت بە کۆمپانیاکان و هاوکاریکردنیانە بۆ بەرزکردنەوەی بەرهەمهێنانیان بۆ بەرزترین ئاست

ئاشکراشیکرد،" پلانەکانمان جێگیرە، خۆی لە دابەزاندن و چاکسازی لە باجی تایبەت بە کۆمپانیاکان و هاوکاریکردنیانە بۆ بەرزکردنەوەی بەرهەمهێنانیان بۆ بەرزترین ئاست، و بەرزکردنەوەی ئاستی بژێوی".

ئەمە لەکاتێکدایە، لەشانشینی یەکگرتوی بریتانیا لە مانگی 12ی رابردو تا مانگی چواری ئەمساڵ، هەڵاوسان بەرێژەی 9%بوە، و تەنها لەمانگی سێدا بۆ 7%بەرزبوەتەوە، کە لەساڵی 1982وەوە یەکەمینجارە بەو جۆرە بەرزبونەوە بەخۆیەوە ببینێت.