حکومەتی هەرێم ماوەی لێخۆشبون لە بەشێک لە قەرزەکانی درێژکردەوە

03:44 - 18/05/2022

3112جار خوێندراوەتەوە

خەندان-
حکومەتی هەرێمی کوردستان ماوەی لێخۆشبون لە ژمارەیەک لە قەرزەکانی سەر هاوڵاتیانی تا شەشی مانگی داهاتو درێژکردەوە و داواش دەکات لەو ماوەیەدا هاوڵاتیان قەرزەکانیان  بگێڕنەوە و لە داشکاندنەکە سودمەند بن.

 لێخۆشبوونی ڕێژەی 15% ـی پێشینەکانی حکومەت کە لای هاوڵاتییانە درێژکراوەتەوە

ئەمڕۆ چوارشەممە، حکومەتی هەرێمی کوردستان لە راگەیەندراوێکدا بڵاویکردوەتەوە،" لێخۆشبوونی ڕێژەی 15% ـی پێشینەکانی حکومەت کە لای هاوڵاتییانە، تا شەشی مانگی حوزەیرانی ئەمساڵ، درێژکرایەوە".

بڕیارەکە حەوت قەرز دەگرێتەوە

رونیشیکردوەتەوە،"بڕیارەکە قەرزەکانی (خانوبەرە، سندوقی نیشتەجێبون، بانکی خانوبەرە، پێشینەی هاوسەرگیری، قەرزی بچوک، پێشینەی بانکی کشتوکاڵ و پێشینەی پیشەسازی و گەشتیاری دەگرێتەوە).

پێشتریش وەزارەتەکانی کارەبا و شارەوانی و گەشتوگوزار، ماوەی لێخۆشبون لە 15%ی قەرزی سەر هاوڵاتیانیان درێژکردەوە

ئەمەلەکاتێکدایە، پێشتریش وەزارەتەکانی کارەبا و شارەوانی و گەشتوگوزار، ماوەی لێخۆشبون لە 15%ی قەرزی سەر هاوڵاتیانیان درێژکردەوە.

تا مانگی شوباتی ئەمساڵ کەمتر لە دو ترلیۆن دیناری بۆ حکومەت گەڕێندراوەتەوە

بەگوێرەی ئامارێک، 231474 دوسەدوسی و یەک هەزار و چوارسەدو و حەفتاوچوار هاوڵاتی لە پێشینەکانی حکومەتی هەرێم سودمەندبون، کە کۆی گشتی قەرزەکانیان 4.042 ترلیۆن دینارە و لەو بڕەش تا مانگی شوباتی ئەمساڵ کەمتر لە دو ترلیۆن دیناری بۆ حکومەت گەڕێندراوەتەوە.