سبەی 24 کاتژمێر کارەبای نیشتیمانی بە هاوڵیان دەدرێت

11:55 - 14/05/2022

14806جار خوێندراوەتەوە

خەندان-
ئەندامێکی ئەنجومەنی پارێزگای سلێمانی رایدەگەیەنێت، بڕیارە سبەینێ وەزارەتی کارەبا وزەی کارەبا بۆماوەی 24 کاتژمێر دابین بکات بۆ هەمو ناوچەکان وەک و تاقیکردنەوە بۆ دیاریکردنی بەرکەوتەی پارێزگاکان لە وزەی کارەبا ، لە ڕێگای ئەم تاقیکردنەوەیەوە ڕێژەی پێدانی کارەبای پارێزگاکان دیاری دەکرێت.

بڕیارە سبەینێ بەرواری 15-5-2022  وەزارەتی کارەبا وزەی کارەبا بۆماوەی 24 کاتژمێر دابین بکات بۆ هەمو ناوچەکان 

کەریم عەلی، ئەندامی ئەنجومەنی پارێزگای سلێمانی بڵاویکردوەتەوە،" بڕیارە سبەینێ بەرواری 15-5-2022  وەزارەتی کارەبا وزەی کارەبا بۆماوەی 24 کاتژمێر دابینبکات بۆ هەمو ناوچەکان وەک و تاقیکردنەوە بۆ دیاریکردنی بەرکەوتەی پارێزگاکان لە وزەی کارەبا ، لە ڕێگای ئەم تاقیکردنەوەیەوە ڕێژەی پێدانی کارەبای پارێزگاکان دیاری دەکرێت".

 ئێمە لە لیژنەی پیشەسازی و وزە ئەم کاتە بەگونجاو نازانین بۆ ئەو تاقیکردنەوەیە

رونیشیکردوەتەوە،" ئێمە لە لیژنەی پیشەسازی و وزە ئەم کاتە بەگونجاو نازانین بۆ ئەو تاقیکردنەوەیە، چونکە لەم کاتەدا لە سنوری پارێزگاکانی سلێمانی و هەڵەبجە و ئیدارەکانی گەرمیان و ڕاپەڕین بەکارهێنانی کارەبا ڕێژەکەی کەمەو هاوڵاتیان زۆر کارەبا بەکارناهێنن لە چاو وەرزی زستان و هاوین".

ڕێژەی کارەبای پێویست نەدراوە بەم سنورە

ئاماژەی بەوەشکردوە،" لە ساڵانی ڕابردوشدا بەهۆی ئەم جۆرە تاقیکردنەوانەوە  ڕێژەی کارەبای پێویست نەدراوە بەم سنورە ڕێژەکەی بەو شێوازە بوە 

ڕێژەی کارەبای پشکی پارێزگاکانی هەولێر و دهۆک نزیکەی %66 بوە

پارێزگاکانی سلێمانی و هەڵەبجەو ئیدارەکانی گەرمیان و ڕاپەڕین نزیکە 34% بوە، بەڵام ڕێژەی کارەبای پشکی پارێزگاکانی هەولێر و دهۆک نزیکەی %66 بوە .

پێشنیار دەکەین ئەو کاتی تاقیکردنەوەیە بخرێتە مانگەکانی تەمموز و ئاب یاخود کانونی دوەم و شوبات لە ساڵەکاندا

جەختیلەوەشکردوەتەوە،"  ئێمە لە هەستکردنمان بەو گرفتە پێشنیار دەکەین ئەو کاتی تاقیکردنەوەیە بخرێتە مانگەکانی تەمموز و ئاب یاخود کانونی دوەم و شوبات لە ساڵەکاندا.