ئه‌مریكا؛ روداوێكی ته‌قه‌كردن كوژرانی هه‌شت كه‌سی لێكه‌وته‌وه‌

11:36 - 14/05/2022

1611جار خوێندراوەتەوە

خه‌ندان-

له‌ڕوداوێكی ته‌قه‌كردندا له‌بازاڕیكی شاری باڤالۆی ویلایه‌تی نیویۆركی ئه‌مریكا، 8 (هه‌شت) كوژراو و ژماره‌یه‌ك برینداری لێكه‌وته‌وه‌.

مارك پۆلۆنكارز به‌ڕێوه‌به‌ری ناوچه‌ی ئیرێی شاری باڤالۆ رایگه‌یاندوه‌، روداوێكی ته‌قه‌كردن له‌بازاڕێكی گشتی به‌تایبه‌ت نزیك ماركێتی تۆپس له‌ شه‌قامی جیڤرسۆن رویداوه‌، له‌ئێستاشدا هێزه‌كانی پۆلیس له‌ شوێنی روداوه‌كه‌ن و به‌ته‌واوی شه‌قامه‌كه‌یان داخستوه‌ و لێكۆڵینه‌وه‌ له‌ڕوداوه‌كه‌ ده‌كه‌ن.

له‌و روداوه‌دا 9 (نۆ) كه‌س بریندار بون

له‌ به‌رامبه‌ردا پۆلیسی ویلایه‌تی نیویۆرك ڕایگه‌یاندوه‌، به‌پێی ئه‌نجامی ئه‌نجامی سه‌ره‌تایی لێكۆڵینه‌وه‌كان له‌و روداوه‌دا 9 (نۆ) كه‌س بریندار بون و به‌شێكیان برینه‌كه‌یان سه‌خته‌ و له‌ئێستادا له‌ نه‌خۆشخانه‌ چاره‌سه‌ری پێویستیان بۆ ئه‌نجامده‌درێت.

جگه‌ له‌ برینداره‌كان ته‌رمی 8 (هه‌شت) كه‌س گه‌یه‌ندراونه‌ته‌ نه‌خۆشخانه‌

له‌لای خۆشیه‌وه‌ به‌رپرسێكی ئه‌مریكی به‌ ئاژانسی NBCی راگه‌یاندوه‌، جگه‌ له‌ برینداره‌كان ته‌رمی 8 (هه‌شت) كه‌س گه‌یه‌ندراونه‌ته‌ نه‌خۆشخانه‌ و پێده‌چێت شه‌ڕه‌كه‌ له‌نێوان دو گروپی چه‌كدار رویدابێت و پۆلیس سه‌رقاڵی لێكۆڵینه‌وه‌یه‌ له‌هۆكار و چۆنیه‌تی ئه‌و روداوه‌.

نیشانەکردن

ئه‌مریكا