مەولود چاوش ئۆغلۆ: زۆرینەی تورکەکان بەهۆی پەکەکەوە لەگەڵ پەیوەندیکردنی سوید و فینلاندا نین بە ناتۆوە

10:46 - 14/05/2022

2364جار خوێندراوەتەوە

خەندان-
مەولود چاوش ئۆغلۆ، وەزیری دەرەوەی تورکیا رایدەگەیەنێت، زۆرینەی هاوڵاتیانی تورکیا پەیوەندیکردنی فینلاند و سوید بە پەیمانی باکوری ئەتڵەسی(ناتۆ)رەتدەکەنەوە، بەهۆی هاوکاریکردنی رێکخراوە کوردییەکانەوە لەلایەن ئەو دو وڵاتەوە.

سوید و فینلاند بەرپرسیاری هاوکاریکردنی پەکەکە و یەکینەکانی پاراستنی گەلن

مەولود چاوش ئۆغلۆ، وەزیری دەرەوەی تورکیا، لە بەرلین  پێش کۆبونەوەی وەزیرانی دەرەوەی ناتۆ بە رۆژنامەنوسانی راگەیاندوە،" سوید و فینلاند بەرپرسیاری هاوکاریکردنی پەکەکە و یەکینەکانی پاراستنی گەلن، ئەمەش کاریگەری لەسەر هەستی گەلی تورکیا کردوە، هەر بۆیە  زۆرینەی هاوڵاتیانی تورکیا بەئەندامبونی ئەو دو وڵاتە بە ناتۆوە رەتدەکەنەوە بەهۆی ئەو هاریکاریانەوە کە پێشکەشی پەکەکە و یەپەگەیان کردوە".

 تورکیا پشتگیری سیاسیەتی"دەرگای کراوە"ی رێکخراوی ناتۆ دەکات

رونیشیکردەوە،" تورکیا پشتگیری سیاسیەتی"دەرگای کراوە"ی رێکخراوی ناتۆ دەکات، بەڵام لەهەمان کاتدا تورکیا ئەوەی بۆ قبوڵ ناکرێت هاوپەیمانەکانی پشتگیری ئەو رێکخراوانە بکات، کە وڵاتەکەی کردونیەتییە لیستی تیرۆرەوە".

پێویستە ئەو وڵاتانەی دەیانەوێت پەیوەندی بە ناتۆوە بکەن، کۆت لەسەر هەناردەی بەشێک لە بەرهەمە سەربازییەکانیان بۆ تورکیا دابنێن

جەختیلەوەشکردەوەتەوە،" وەک دەستپێشخەرییەک پێویستە ئەو وڵاتانەی دەیانەوێت پەیوەندی بە ناتۆوە بکەن، کۆت لەسەر هەناردەی بەشێک لە بەرهەمە سەربازییەکانیان بۆ تورکیا دابنێن، کە بۆ پەکەکە و یەپەگە دەچن".

هەریەکە لە سوید و فینلاند نیازی خۆیان بە پێشکەشکردنی داواکاری بە رێکخراوی پەیمانی باکوری ئەتڵەسی (ناتۆ)راگەیاندوە

ئەمە لەکاتێکدایە، هەریەکە لە سوید و فینلاند نیازی خۆیان بە پێشکەشکردنی داواکاری بە رێکخراوی پەیمانی باکوری ئەتڵەسی (ناتۆ)راگەیاندوە، ئەمەش نارەزایەتییەکی توندی روسیای لێکەوتوەتەوە و هۆشداری لەبەکارهێنانی رێگەی سەربازی و ناسەربازی دا گەر بەئەندامبونیان قبوڵبکرێت.

نیشانەکردن

ناتۆ