نرخی نەوت بەردەوامە لەبەرزبونەوە

10:51 - 06/05/2022

2618جار خوێندراوەتەوە

خەندان-
لەگەڵ لەبەرچاوگرتنی ئەگەری کەمبونەوەی رێژەی خستنەروی نەوت دوای بڕیارەکەی ئۆپیک و هەوڵەکانی یەکێتی ئەوروپا بۆ کەمکردنەوەی رێژەی کڕینی نەوتی روسیا نرخی نەوت بەرزبوەوە.

 نرخی یەک بەرمیل  نەوتی خاوی برێنت بەرێژەی 0.60% بەرزبوەوە

ئەمڕۆ هەینی، نرخی یەک بەرمیل  نەوتی خاوی برێنت بەرێژەی 0.60% بەرزبوەوە گەیشتە 111.56 سەدو یانزە دۆلار و پەنجا و شەش سەنت.

 یەک بەرمیل نەوتی خاوی ئەمریکا نرخەکەی بەرێژەی 0.55% بەرزبونەوەی بەخۆیەوە بینی

هاوکات یەک بەرمیل نەوتی خاوی ئەمریکا نرخەکەی بەرێژەی 0.55% بەرزبونەوەی بەخۆیەوە بینی و گەیشتە 108.8سەد و هەشت دۆلار و هەشت سەنت.

هاوکاتە لەگەڵ هەوڵەکانی ئۆپیک پڵەس بۆ بەرزکردنەوەی رێژەی بەرهەمهێنان لە مانگی تەمموزی ئەمساڵ بۆ 432000 چوار سەد و سی و دو هەزار بەرمیل نەوتی رۆژانە

بەرزبونەوەی نرخی نەوت هاوکاتە لەگەڵ هەوڵەکانی ئۆپیک پڵەس بۆ بەرزکردنەوەی رێژەی بەرهەمهێنان لە مانگی تەمموزی ئەمساڵ بۆ 432000 چوار سەد و سی و دو هەزار بەرمیل نەوتی رۆژانە، ئەمەش بەهۆی مەترسیەکانی کەمبونەوەی بڕی خستنەڕوی نەوتی خاو.

یەکێتی ئەوروپا لە هەوڵدایە بەشێوەیەکی پلەبەندی بایکۆتی نەوتی روسیا بکات

لەلایەکی دیکەشەوە یەکێتی ئەوروپا لە هەوڵدایە بەشێوەیەکی پلەبەندی بایکۆتی نەوتی روسیا بکات، ئەمەش لە چوارچێوەی بەشی شەشەمی سزاکانی سەر ئەو وڵاتە.

نرخی نەوت بەرزبونەوەی بەرچاوی بەخۆیەوە بینیوە

لەماوەی دو مانگی رابردو و هەڵگیرسانی جەنگی ئۆکرانیا، نرخی نەوت بەرزبونەوەی بەرچاوی بەخۆیەوە بینیوە و پێشبینی دەکرێت لە چەند رۆژی رابردوشدا بگاتە بەرزترین ئاستی لە چەند مانگی رابردودا.