هەواڵی ئەمڕۆ

بۆ دوەمجار لە 24 کاتژمێردا، باکوری موسڵ بەهێرشێکی موشەک کرایەئامانج

02:26 - 04/04/2022

1151جار خوێندراوەتەوە

خەندان-

ئەمڕۆ دوشەممە موشەکێک ئاڕاستەی گوندی خواجە لە ناحیەی وانەی باکوری موسڵ کرا، ئەوەش دوەمین هێرشی موشەکییە لەسنوری پارێزگای نەینەوا لە 24 کاتژمێری رابردو.

ماڵپەڕی شەفەق نیوزی لەسەرچاوەیەکی ئەمنی پارێزگای نەینەواوە بڵاویکردەوە، بەیانی ئەمڕۆ هێرشێکی موشەکی کراوەتەسەر ناوچەیەک لە گوندی خواجەی سەر بە ناحیەی وانە.

هێزە ئەمنییەکان شوێنێکی هەڵدانی موشەکیان دۆزیوەتەوە 
ئاماژەی بەوەشکردوە، هێزە ئەمنییەکان شوێنێکی هەڵدانی موشەکیان دۆزیوەتەوە و موشەکێکی دیکەشیان دۆزیوەتەوە کە نەتەقێنراوە.
ژمارەیەک کاتیۆشا بەر دەوروبەری بنکەکە کەوتن، هێرشەکەش زیانی نەبوە
شەوی رابردوش بنکەی سەربازی سوپای تورکیا لە ناحیەی زێلکانی سنوری پارێزگای نەینەوا بۆردومانکرا و ژمارەیەک کاتیۆشا بەر دەوروبەری بنکەکە کەوتن، هێرشەکەش زیانی نەبوە.
حەشدی شەعبی لە دەشتی نەینەوا بە ئاڕاستەکردنیان تۆمەتباردەکرێت
سەربازگەکەی تورکیا لە ساڵی 2015 لە سنوری ناحیەی زێلکان دامەزراوە و ساڵی رابردوش پێنج جار موشەکی ئاڕاستەی کراوە، لەو هێرشەشدا حەشدی شەعبی لە دەشتی نەینەوا بە ئاڕاستەکردنیان تۆمەتباردەکرێت.

نیشانەکردن

موسڵ