خەندان-
راکان سەعید، پارێزگاری کەرکوک بە وەکالەت رایگەیاند، بەبۆنەی هاتنەوەی نەورۆز پیرۆزبایی لە هاوڵاتیانی کورد لە کەرکوک دەکات و یادکردنەوەی ئەو بۆنەیەش وەک مافێکی ئازادانەی هاوڵاتیان دەبینێت، ئەوەش رەنگدانەوەی پێکەوەژیانی ئاشتیانەی رۆڵە رەسەنەکانی کەرکوکە بە هەمو پێکهاتە نەتەوەیی و مەزهەبییەکانییەوە.
راکان سەعید، پارێزگاری کەرکوک بە وەکالەت ئەمڕۆ سێشەممە لەبارەی یادکردنەوەی نەورۆز لە کەرکوک وەڵامی نوسراوێکی فراکسیۆنی یەکێتی لەپەرلەمانی عێراقی داوەتەوە و باسی لەوەشکردوە، پیرۆزبایی یادی نەورۆز لە هەمو برایانی کورد دەکات و بە مافی رەوای هاوڵاتیانی پێکهاتەکانی جیاوازەکانی دەزانێت کە بۆنە و ئاهەنگە نەتەوەیی و مەزهەبییەکانیان بەرز رابگرن.
یادکردنەوەی نەورۆز حەق و مافێکی کوردە، ئەوەش رەنگدانەوەی پێکەوەژیانی ئاشتیانەی رۆڵە رەسەنەکانی کەرکوکە
ئەوەشی خستوەتەڕو، بەوبۆنەیەشەوە پیرۆزبایی لە هەمو هاوڵاتیانی کەرکوک دەکەن و یادکردنەوەی نەورۆزیش وەک حەق و مافێکی کورد دەبینن کە رەنگدانەوەی پێکەوەژیانی ئاشتیانەی رۆڵە رەسەنەکانی کەرکوکە بە هەمو پێکهاتە نەتەوەیی و مەزهەبییەکانییەوە.
کات و شوێنی ئاهەنگەکە دیاری بکرێت تاوەکو ئاسایشی شوێنی ئاهەنگەکە و بەشداربوەکانی بپارێزرێت
لەبارەی مەراسیمی یادی نەورۆزیش پارێزگاری کەرکوک لە نوسراوەکەیدا داوا دەکات هەمو هاوڵاتیانی کەرکوک بەشداری بکەن لە یادەکانی نەورۆز، بۆ ئەو مەبەستەش داوا دەکات کات و شوێنی ئاهەنگەکە دیاری بکرێت تاوەکو ئاسایشی شوێنی ئاهەنگەکە و بەشداربوەکانی بپارێزرێت لە هەر کردەوەیەکی تیرۆرستی کە خەڵک و پێکهاتەکانی کەرکوک بەئامانج دەگرێت.
