لە هەولێر ژمارەیەک رێگای سەرەکی هاتوچۆ داخران

09:30 - 20/01/2022

7685جار خوێندراوەتەوە

خەندان-
بەڕێوەبەرایەتی هاتوچۆی هەولێر رایگەیاند، بەهۆی ناجێگیری رەوشی کەشوهەوا و بارینی بەفرەوە، ڕێگای هەولێر_ شەقڵاوە، ڕێگای هەولێر _کۆیە، ڕێگای کۆیە_ هەیبەسوڵتان و ژمارەیەک رێگەی دیکەش هاتوچۆکردن و بەکارهێنانیان سەلامەت نیە و داوا دەکەن شۆفێران بەهیچ شێوەیەک ئەم رێگایانە بەکارنەهێنن.

داواتان لێدەکەین کەبەهیچ شێوەیەک بەکاریان نەهێنن ، تەنانەت بۆ حاڵەتی تەنگاویش

 فازڵ حاجی، وتەبێژی بەڕێوەبەرایەتی هاتوچۆی هەولێر لەراگەیەنراوێکدا ئاماژەی بەوەشکردوە، "سەرجەم شوفێران و هاوڵاتیانی بەڕێزمان ئاگاداردەکەینەوە، کەوا بەهۆی نالەباری کەشوهەوا و دابارینی بەفر، ئەو ڕێگایانەی خوارەوە سەلامە نین بۆ بەکارهێنان و داوایان لێدەکەین کەبەهیچ شێوەیەک بەکاریان نەهێنن ، تەنانەت بۆ حاڵەتی تەنگاویش".

ئەو رێگایانەی بۆ هاتوچۆکردن گونجاو نین:

1/ڕێگای هەولێر_ شەقڵاوە
2/ڕێگای هەولێر _کۆیە بەتایبەتی لەبەردەباز تاکو کۆیە
3/ڕێگای شەقڵاوە_ هیران
4/ڕێگای دەربەندی گۆمەسپان بۆسەرچیای سەفین و کەپکی گەرۆتە
5/ڕێگای زینەتیر_ بالیسان_ ڕانیە
6/ڕێگای کۆیە_ هەیبەسوڵتان
7/ڕێگای کۆیە_ کلکە سماقە

نیشانەکردن

هەولێر