هادی عامری گەیشتە هەولێر

12:21 - 17/01/2022

4365جار خوێندراوەتەوە

 

خەندان-
بەمەبەستی گفتوگۆکردن لەسەر پێکهێنانی حکومەتی نوێی عێراق و پرسی گەورەترین فراکسیۆنی پەرلەمانی، نیوەڕۆی ئەمڕۆ دوشەممە شاندێکی هاوپەیمانی فەتح بەسەرۆکایەتی هادی عامری گەیشتە هەولێر و لەگەڵ مەسعود بارزانی، سەرۆکی پارتی دیموکراتی کوردستان کۆدەبێتەوە.

هادی عامری گەیشتە هەولێر

نیوەڕۆی ئەمڕۆ دوشەممە هادی عامری، سەرۆکی هاوپەیمانی فەتح بە سەردانێک گەیشتە هەولێر و لەگەڵ مەسعود بارزانی، سەرۆکی پارتی دیموکراتی کوردستان کۆدەبێتەوە.

شێوازی هاوپەیمانییەکان بۆ پێکهێنانی گەورەترین فراکسیۆنی پەرلەمان تاوتوێ دەکرێت

بەگوێرەی زانیارییەکان لەکۆبونەوەکەدا پرسی پێکهێنانی حکومەتی نوێی عێراق و شێوازی هاوپەیمانییەکان بۆ پێکهێنانی گەورەترین فراکسیۆنی پەرلەمان تاوتوێ دەکرێت.

عامری و سەدر لەنەجەف کۆبونەوە

شەوی 15ی ئەم مانگەش هادی عامری، سەرۆکی هاوپەیمانی فەتح و یەکێک لە سەرکردە دیارەکانی چوارچێوەی هەماهەنگی لە ناوچەی حەنانەی نەجەف لەگەڵ موقتەدا سەدر, رێبەری رەوتی سەدر کۆبوەوە.