لەبەغدا دو تەقینەوە رویاندا

10:09 - 16/01/2022

6337جار خوێندراوەتەوە

خەندان-

ئەمشەو لەناوچەی کەڕادەی بەغدا دو تەقینەوە رویاندا، تەقینەوەی یەکەم لەنزیک شانۆی نیشتیمانی و تەقینەوەی دوەمیش لەنزیک گۆڕەپانی "الواثق" رویانداوە، بەوهۆیەش چەند کەسێک بریندار بون و ژمارەیەک ئۆتۆمبێلیش سوتاون.

تەقینەوەکانیش لەنزیک هەردو بانکی جیهان و بانکی کوردستان رویداوە 
سەرچاوەیەکی ئەمنی لەبەغدا بە خەندان-ی راگەیاند، ئەمشەو  دو تەقینەوە لەناوچەی کەڕادەی بەغدا رویانداوە، تەقینەوەکانیش لەنزیک هەردو بانکی جیهان و بانکی کوردستان رویداوە کە دەکەونە نزیک شانۆی نیشتیمانی و گۆڕەپانی "الواثق"، لەئەنجامیشدا زیان بە باڵەخانەی هەردو بانکەکە گەیشتوە.
 لێکۆڵینەو لەهۆکاری روداوەکە دەستیپێکردوە
ئاماژەی بەوەشکرد، لەم کاتەدا هێزە ئەمنییەکان گەیشتونەتە شوێنی روداوەکە و لێکۆڵینەو لەهۆکاری روداوەکە دەستیپێکردوە.
 لە تەقینەوەکەدا چەند کەسێک بریندار بون
هاوکات بەشێک لە میدیاکانی عێراق بڵاویانکردەوە، لە تەقینەوەکەدا چەند کەسێک بریندار بون و ژمارەیەک ئۆتۆمبێلیش سوتاون.

نیشانەکردن

عێراق بەغدا