باڵیۆزخانەی روسیا وه‌ڵامی لێدوانه‌كانی كۆشكی سپی له‌باره‌ی داگیركردنی ئۆكرانیا ده‌داته‌وه‌

09:29 - 15/01/2022

1991جار خوێندراوەتەوە

خه‌ندان-

باڵیۆزخانەی روسیا لە واشنتن لێدوانەکانی کۆشکی سپی سەبارەت بە داگیرکردنی ئۆکرانیا له‌لایه‌ن روسیا بە زانیاری هەڵە و فشاری میدیایی ناو ده‌بات و رایده‌گه‌یه‌نێت، مۆسکۆ پشتگیری چارەسەری دیپلۆماسی بۆ هەمو کێشە نێودەوڵەتییەکان دەکات. 

باڵیۆزخانەی روسیا له‌ واشنتن لەبەیاننامەیەکدا بڵاویكرده‌وه‌، دەسەڵاتدارانی ئەمریکا باس لە سیناریۆی داگیركردنی ئۆكرانیا له‌لایه‌ن روسیاوه‌ ده‌كه‌ن و بەرواری کۆتایی دەستپێکردنی ئەم جۆرە ئۆپەراسیۆنانە دیاری دەکەن، بەبێ ئەوەی هیچ بەڵگەیەک پێشکەش بکەن.

وروژاندنی بابەتەکە بەم شێوەیە "فشاری بەردەوامی میدیا" بۆ سەر ڕوسیا دوپاتدەکاتەوە
باڵوێزخانەکە ئاماژەی بەوەكردوه‌، وروژاندنی بابەتەکە بەم شێوەیە "فشاری بەردەوامی میدیا" بۆ سەر ڕوسیا دوپاتدەکاتەوە و دوباره‌كردنه‌وه‌ی سیناریۆكانیش له‌ میدیا دواجار هەواڵی سەرەکی له‌ میدیاكان. 
باڵیۆزخانەکە داوای لە دەسەڵاتدارانی ئەمریکا کردوه‌ کە بە وردی کار لەسەر گرەنتی ئەمنی بکەن
باڵیۆزخانەکە داوای لە دەسەڵاتدارانی ئەمریکا کردوه‌ کە بە وردی کار لەسەر گرەنتی ئەمنی بکەن لەسەر بنەمای ئەو رەشنوسی پەیماننامانەی کە روسیا پێشنیاری کردوە و جەختیشی کردەوە، کە "مۆسکۆ پشتگیری چارەسەری دیپلۆماسی بۆ هەمو کێشە نێودەوڵەتییەکان دەکات".

پێشتر جەین پساکی، وتەبێژی کۆشکی سپی بەبێ ئەوەی هیچ بەڵگەیەک پێشکەش بکات وتی ئەمریکا کاتی "داگیرکردنی"ی ئۆكرانیای له‌لایه‌ن روسیاوه‌ دیاریکردوە بەو پێیە رەنگە مۆسکۆ پاساوی پێویست بۆ ئەم جۆرە کارانە دروست بکات.