لە ئەمریکا خوێندكارانی 4100 خوێندنگه‌ خۆپیشاندان ئه‌نجام ده‌ده‌ن

12:32 - 14/01/2022

1312جار خوێندراوەتەوە

خەندان-

دژی بەردەوامی خوێندنی ناوپۆل لەکاتێکدا مەترسییەکانی بڵاوبونەوەی ڤایرۆسی کۆرۆنا و جۆرە گۆڕاوەکانی گەیشتونەتە ئاستێکی مەترسیدار، ماوەی چەند رۆژێکە خوێندكارانی  4100 خوێندنگه‌ لە ویلایه‌ته‌ یه‌كگرتوه‌كانی ئه‌مریكا خۆپیشاندان ئه‌نجامده‌ده‌ن و خوێندنگاكانیان داخستوه‌.

تۆڕی هه‌واڵی Fox News ئه‌مڕۆ هه‌ینی بڵاویكرده‌وه‌، زیاتر له‌ 4 هه‌زار و 100 خوێندنگه‌ی ویلایه‌ته‌ یه‌كگرتوه‌كانی ئه‌مریكا به‌ مه‌به‌ستی ئه‌نجامدانی خۆپیشاندان خوێندنگاكانیان جێهێشت وه‌ك ناڕه‌زایه‌تییه‌ك به‌رامبه‌ر به‌رده‌وامی پڕۆسه‌ی خوێندنی ئه‌مساڵ به‌شێوه‌ی ئاماده‌بون له‌ ناو پۆله‌كانیدا.

هیچ پارێزراونین له‌ خوێندنگه‌كه‌ماندا، چه‌ند حاڵه‌تێكی توشبون له‌ نێو خوێندنگاكه‌ماندا بڵاو بوه‌ته‌وه‌
له‌ شاری نیویۆرك، بۆستن، شیكاگۆ، ریدۆندۆی كالیفۆڕنیا و چه‌ند شارێكی دیكه‌ی ئه‌مریكا، خوێندكاران له‌ نیوه‌ی پڕۆسه‌ی خوێندنیاندا، خوێندنگاكانیان جێهێشت وه‌ك ده‌ربڕینی ناڕه‌زایه‌تی به‌رامبه‌ر به‌ نه‌وه‌ستاندنی خوێندن له‌ قوتابخانه‌كه‌یان پاش بڵاوبونه‌وه‌ی ڤایرۆسی ئۆمیكرۆن به‌شێوه‌یه‌كی خێرا، قوتابیه‌كی ئه‌و خوێندنگه‌یه‌ش ده‌ڵێت، "هیچ پارێزراونین له‌ خوێندنگه‌كه‌ماندا، چه‌ند حاڵه‌تێكی توشبون له‌ نێو خوێندنگاكه‌ماندا بڵاو بوه‌ته‌وه‌ و چیتر پێویست نییه‌ به‌م شێوه‌یه‌ ژیانی خۆمان بخه‌ینه‌ مه‌ترسییه‌وه‌".
ده‌ستیان كردوه‌ به‌ بڵاوكردنه‌وه‌ی  پۆستەر تا زۆرترین قوتابی له‌ بڕیاری وه‌ستاندنی خوێندن بەشداربن
خوێندكارانی  خوێندنگه‌ جیاوازه‌كان، هه‌ر یه‌كه‌و به‌ شێوه‌یكی جیاواز و له‌ ڕێگه‌ی بڵاوكردنه‌وه‌ پۆسته‌ری بانگهێشتكردن له‌ قوتابخانه‌ و تۆڕه‌ كۆمه‌ڵایه‌تییه‌كان، ده‌ستیان كردوه‌ به‌ بڵاوكردنه‌وه‌ی تا زۆرترین قوتابی قوتابخانه‌كان له‌ بڕیاری وه‌ستاندنی خوێندن له‌ پێناو پارێزگاریكردن له‌ گیانی خوێندكاران بێنه‌ سه‌ر شه‌قامه‌كان.
خوێندنگه‌كان باشترین سیستمی خۆپارێزی بۆ قوتابیه‌كانیان جێبه‌جێ ده‌كه‌ن
له‌و باره‌یه‌شه‌وه‌، سارا بۆود پزیشك و ئه‌ندامی ئه‌كادیمیای ئه‌مریكی بۆ ته‌ندروستی خوێندكارانی خوێندنگه‌ ناوه‌ندییه‌كان رایگه‌یاند، "به‌ هۆی ئه‌وه‌ی خوێندنگه‌كان باشترین سیستمی خۆپارێزی بۆ قوتابیه‌كانیان جێبه‌جێ ده‌كه‌ن، باشترین شوێن كه‌ له‌ ئێستادا خوێندكاران تێیدا بمێننه‌وه‌ و به‌رده‌وامی به‌ پڕۆسه‌ی خوێندن بده‌ن بریتییه‌ به‌ خوێندنگاكانیان".

نیشانەکردن

ئەمریکا

بەپەلە