هێزەکانی ئاشتیپارێز لە کازاخستان کشانەوە

08:21 - 14/01/2022

872جار خوێندراوەتەوە

خەندان-

دوای ئەوەی لە سەرەتای ئەم مانگەدا دژی بەرزکردنەوەی نرخی غاز، خۆپیشاندانی فراوان لەزۆرینەی ناوچەکانی کازاخستان بەڕێوەچو و بۆ پاراستنی حکومەتەکەی قاسم جومارت توکیایڤیش هێزەکانی ئاشتیپارێزی سەر بە رێکخراوی ئاسایشی کۆمەڵایەتی رەوانەی ئەو وڵاتە کران، دوێنێ ئەو هێزانە لە کازاخستان کشانەوە و گەڕانەوە بنکە سەرەکییەکانیان.

لەئێستادا کشاونەتەوە و لەناوچەکانی دیکە روسیا بڵاوکراونەتەوە
فەرماندەیی گشتی هێزەکانی ئاشتیپارێز لەراگەیەنراوێکدا باسی لەوەشكردوە، هێزەکانی روسیا لە هێزەکانی ئاشتیپارێزدا کە رۆڵیان پاراستنی دامەزراوەکانی دەوڵەتی کازاخستان بو، لەئێستادا کشاونەتەوە و لەناوچەکانی دیکە روسیا بڵاوکراونەتەوە.
 پرۆسەی کشانەوەی هێزەکانیش لە کازاخستان 19ی ئەم مانگە کۆتایی دێت
ئاماژە بەوەشکراوە، هەروەها هێزەکانی ئەرمینیا، بیلاڕوسیا و تاجیکستانیش گەڕاونەتەوە بۆ بنکەی تراز ئێل-76ی روسیا، پرۆسەی کشانەوەی هێزەکانیش لە کازاخستان 19ی ئەم مانگە کۆتایی دێت.

خۆپیشاندانەکان لەسەرەتای ئەم مانگەوە لەشارەکانی رۆژئاوای كازاخستانەوە  دەستیپێکردوە دژی بەرزبونەوەی بەهای سوتەمەنی و بەتایبەت نرخی غاز، لەبەرامبەریشدا سەرۆکی کازاخستان حکومەتی وڵاتەکەی هەڵوەشاندەوە و رایگەیاند، وەزیرەکان و حکومەت بەرپرسیارن لەو دۆخەی بەسەر وڵات هاتوە.

نیشانەکردن

روسیا