یەکشەممە موچەی ئەم شوێنە دابەشدەکرێت

01:43 - 06/01/2022

64268جار خوێندراوەتەوە

خەندان-

وەزارەتی دارایی و ئابوری حکومەتی هەرێم بڕیاریدا یەکشەممەی داهاتو موچەی وەزارەتی پەروەردە بۆ مانگی (2021/12) بەهەمان میکانیزمی مانگەکانی پێشوتر دابەشبکرێت.

یەکشەممە موچەی وەزارەتی پەروەردە دابەشدەکرێت
به‌گوێره‌ی ئه‌و زانیاریانه‌ی له‌یه‌كێك له‌ گه‌نجینه‌كانه‌وه‌ به‌ خه‌ندان دراون، وەزارەتی دارایی و ئابوری هەرێمی کوردستان گەنجینەکانی ئاگادار کردوەتەوە کە یەکشەممەی داهاتو (9ی کانونی دوەمی 2022) موچەی وەزارەتی پەروەردە بۆ مانگی کانونی یەکەمی ساڵی 2021 دابەشدەکرێت.
 ئەمڕۆ موچەی ليوای نەوت و گاز و فەرماندەیی زێرەڤانی دابەشدەکرێت
ئەمڕۆ پێنجشەممەش موچەی  ليوای نەوت و گاز، فەرماندەیی زێرەڤانی و هێزی ئامادەیی سلێمانی بۆ مانگی (2021/12) بەهەمان میکانیزمی مانگەکانی پێشوتر دابەشدەکرێت.
بەهۆکاری پشوەکانی سەری ساڵەوە دابەشکردنی موچەی هەفتەیەک دواخرا
هەرچەندە بەگوێرەی بڕیاری حکومەتی هەرێم دەبوایە هەمو 25ـی مانگێک دابەشکردنی موچە دەستپێبکات، بەڵام وەزارەتی دارایی بەهۆکاری پشوەکانی سەری ساڵەوە دابەشکردنی موچەی هەفتەیەک دواخست و رۆژی یەکشەممە (2ی کانونی دوەمی 2022) موچەی وەزارەتی تەندروستی دابەشکرد.